TBB小生35歲就買到兩層樓 原來靠呢樣嘢賺錢..
《棟仁的時光》就嚟喺大台播出，最近演員們出席宣傳活動分享自己努力工作嘅原因。唔聲唔聲，原來劇中演員林子善已經買到兩層樓！
Cap嚟見我
早排林子善先同女友董佩欣結婚，蜜月都未去就重新投入工作。佢話希望可以參與老友嘅新劇，等忙完手上工作先去放假度蜜月。
林子善都有分享自己近況，佢咁努力做嘢係希望屋企人生活好啲，唔單止將自己買嘅三層高村屋送俾父母住，仲幫自己親大佬買樓上車。佢真係對屋企人好好。
到底佢點儲錢買樓呢？佢話：「老實講我搵錢唔多，譬如開工時間，喺TVB使費唔算多。好多時去到外景都會有飯包埋，所以食飯就唔需要自己俾。如果喺TVB入面拍戲，就係TVB飯堂食飯，因為好抵食。如果喺屋企，我每日朝早就會落鋪頭食，之後做完運動，就會去買餸，每日2個人使費大約係$150-$200一餐。」
佢仲話：「我一日唔會用超過$200，一個月最多用$6000。我一個月正常都係搵2萬幾，如果冇劇開的話。所以如果要儲首期嘅話，係要靠老細請我去打碟，或者夜場出show，再慳慳埋埋先搵到。」
佢仲分享自己努力嘅故事：「其實我係做緊3份工。我冰室鋪頭有生意啦，我會自己去睇。我又要拍劇拍戲，之後有機會嘅話我仲要去打碟做DJ。但係出面啲人成日話一個月淨係搵1萬蚊儲唔到錢，梗係啦，你只係做1份職業，但係我係做緊3份職業。大部份人放假嘅時候我都喺度返工，基本上我係全年冇休息。就算放假我都係留喺屋企或者落健身室，只係$700一個月。同朋友食飯我都係去食百幾蚊嘅自助餐任食。平時出入我都唔揸車嘅，油費停車場又可以慳返。」
咁勤力又咁照顧屋企人，真係節儉居家好男人！
[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
頭條膠
