梁朝偉演Marvel《上氣》大反派「滿大人」 X國人又玻璃心：辱華！

:0:1

Marvel早前宣佈，將會把旗下嘅超級英雄漫畫《上氣》（Shang-Chi）改編成電影，當中嘅大奸角「滿大人」（Mandarin）將會由梁朝偉飾演，消息一出，香港網民都表示又興奮又期待，不過強國網民就集體「玻璃病」發，炮轟「滿大人」呢個角色係辱華喎！仲有人指梁朝偉「賣國」喎！
撰文：B | 資料來源：CNA Lifestyle、Duniaku Networt、Twitter、BBC
Cap嚟見我
梁朝偉演Marvel《上氣》奸角「滿大人」角色惹辱華爭議《上氣》嘅男主角「上氣」係Marvel漫畫之中少見嘅華裔人物，角色出現於1970年代，當時西方掀起左一股李小龍功夫熱潮，於是Marvel就拎咗授權，以李小龍作藍本創作出呢個角色，電影版「上氣」將由加拿大華裔演員劉思慕（Simu Liu）飾演，「上氣」嘅父親正是大反派「滿大人」。《上氣》嘅故事，就係講男主角發現父親「滿大人」係大反派，於是大義滅親，同佢作對。

Marvel日前喺官方Twitter公佈梁朝偉將參演《上氣》

梁朝偉、滿大人
一直以來，《上氣》呢部作品都充滿爭議，好多意見都認為「滿大人」呢個角色涉及辱華。「滿大人」原稱「傅滿洲」（Fu Manchu），係百年多前英國作家Sax Rohmer嘅「傅滿洲系列」小說嘅一個人物，身穿清朝官服，留有鬍鬚，被稱為「傅滿洲式鬍鬚」（Fu Manchu moustache），加上禿頭、眉長、高瘦，面目陰險，這個形像被為西方世界恐懼「黃禍」的象徵。1980年代，美國華人曾發起抵制「傅滿洲」，不過Marvel只係將「傅滿洲」改名為「滿大人」來回應。
兩地網民反應迴異港人稱梁朝偉乃香港之光
Marvel公佈梁朝偉將演「滿大人」後，觸動強國人嘅敏感神經，指責「梁朝偉瘋了」、「滿大人是歧視的產物」、「傅滿洲就是為了襯托所有白人的單純善良無辜，黃禍論就是代表傅滿洲」等，更要求梁朝偉太太兼經理人劉嘉玲推掉角色。香港人嘅反應就大相逕庭，對於有香港演員出演Marvel電影，都表示十分期待，更有人稱梁朝偉係香港之光。