強國大媽自創閃燈滅蚊廣場舞　網民：自帶閃光舞台效果

強國大媽熱愛廣場舞嘅程度唔係一般人能夠想像，亦不時有新聞指她們發出的噪音擾民。最近中國吉林省吉林市嘅大媽又有新玩法，就係拎住電蚊拍嚟跳，佢地名為「曳步滅蚊舞」，直接將廣場舞提升咗一個層次。
來源：梨視頻
Cap嚟見我
影片入面見到，廣場上大約有50多名大媽大叔一齊拎住電蚊拍跳呢隻「曳步滅蚊舞」，令不少旁人睇到目瞪口呆。大媽嘅新玩法，聲稱可以同時滅蚊同健身，非常健康有益咁話。

至於有人問起點解會有呢個想法嘅時候，其中一個參與者就話，由於佢地夏天晚上會穿上短袖衫跳舞，導致周不時都有蚊咬，所以佢地嘅隊長就有一個主意，就係每個人都買一個蚊拍，再編排一個「拍蚊舞」，咁就可以跳舞又唔會有蚊針。呢個諗法真係非常有創意，但直接噴蚊怕水再跳會唔會方便啲？

大媽仲話「這個舞蹈跳起來非常的新穎，吸引了不少別的團隊的人跟我們一起跳這個舞！」似乎好有信心可以推廣到全國其他地方。

網民睇到影片後，都大嘆大媽「太有創意」、「拍馬都追唔上呢個思路」，仲話打到蚊嘅時候就可以「自帶舞台閃光效果」、「這個可以，還可以劈裡啪啦的打節奏」、「拍子伴隨音律揮動，一陣劈裡啪啦火光帶閃電，伴隨著蛋白質屍體灼燒的焦香味兒，一副鄉村死亡重金屬的場面，想想都帶感」，但都有人話，「讚有創意之前不如睇吓佢地離民居有幾近，仲發出咁嘅分貝其實非常擾民」。

影片：
大媽滅蚊舞
Posted by 大娛樂家 on Tuesday, June 11, 2019


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁