麥美恩森美又鬥嘴　自爆遲啲有互相浸浴場面？

拍旅遊節目最重要唔係旅遊景點，而係主持人！要節目好睇，主持人緊係要有啲火花，就好似Do姐同農夫，黃翠如同洪永城咁，主持人互相鬥下嘴，串下咁，又搞笑又好睇。最近森美同Mayanne（麥美恩）好似有新合作，唔知會擦出咩火花呢？
早前森美同Mayanne到銅鑼灣為日本食店擔任開幕嘉賓，兩人一見面，又開始鬥嘴互窒，佢地真係前世撈亂骨頭⋯⋯
Cap嚟見我

Mayanne性格一向都麻甩，性格開朗又爽直。森美就話Mayanne最近喺社交網站晒女神相，po性感自拍，仲要著埋低胸性感嘅衣服，真係迷死一眾巴打！
見到森美俾位入，Mayanne緊係唔放過，就話：「估唔到你咁留意我囉！森美Like開劉心悠、周慧敏嗰啲女神㗎。（行女神路線？）我都想見識吓，試吓多方面發展嘛！」

兩人又開始鬥嘴，Mayanne就話行女神路線緊係有「收兵」，森美就搞笑咁問係咪傳緋聞嘅許文軒。

之前Mayanne同森美都有合作過，兩人嘅主持風格都幾有火花，成日鬥黎鬥去，真係狗咬狗骨。
Mayanne就爆料可能會同森美再合作，仲要係喺東京拍旅遊節目，有機會同森美一齊浸温泉，咪話唔期待！

森美就表示拍檔人其實係未揀定，不過佢就話：「不過都feel到有Mayanne喇！」
一諗到可以同森美一齊浸溫泉，Mayanne就好期待可以同森美肉帛相見！森美就急急腳拒絕：「我身材好過佢喎，以上圍計！上一次浸溫泉係同高海寧、黃心穎，咁樣可能另一種效果，可能要帶佢入男溫泉！」
唔知今次森美同Mayanne拍旅遊節目，會唔會同以前唔同呢？



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁