《果欄》馮盈盈&江嘉敏演技大比拼　爆喊戲睇到心都痛埋！

自從《果欄中的江湖大嫂》播出以黎，無論係演員點劇情，都有唔少人關注。最近劇集黎到結局篇，多條 love-line 都有啲轉變，例如「大巴」（陳煒飾）被果欄嘅人揭發曾經做過嘅壞事，而「小狼女」（馮盈盈飾）同財仔（楊明飾）的感情變差（點算好…..）。而最新一集終「小狼女」的哥哥陳政勇（黃家樂飾）英雄救美，最後被人殺死，搞到江嘉敏喊爆！

Cap嚟見我
噚晚最新一集中，講到戴康健（李天翔飾）捉走了江嘉敏，身為阿哥嘅楊明緊係去救阿妹啦！佢原本就諗住自己去，點知黃嘉樂就提議「調虎離山」，由楊明同李天翔講數，而黃嘉樂就去救女友江嘉敏。 原本好好咁英雄救美，李天翔仲要係咁追。黃嘉樂同江嘉敏緊係走啦，去到懸崖點知冇路走，李天翔同黃嘉樂係咁打，最後因頭部受重傷，係江嘉敏懷抱中死去。
接住落黎呢一幕，真係好考演技！
面對自己最心愛嘅人死左，緊係傷心到爆啦。唔少網民都讚江嘉敏年紀輕輕都已經咁好戲，真係前途無限！

見到男友因為自己而死，江嘉敏冇聲嘶力竭，唔敢接受，只係希望男友唔好離開自己。而呢一幕喊戲，好明顯係唔捨得男友，一路喊曬口，成身震曬，口水鼻涕都流埋出黎，而且黃嘉樂係最後講左句：「我想睇到你笑。」，於是江嘉敏只好強顏歡笑，畫面真係睇到心都痛埋……
其實江嘉敏啲戲一向都唔差，而呢幕真係好考演技，而且網民都讚佢夠自然、真情流露，好戲好戲。

而第一次拍劇嘅馮盈盈，係《果欄》播出之前已經備受關注，有唔少人都覺得佢演戲一定唔好睇，點知演演下又唔差喔~ 加上「小狼女」係有啲MK味，又有啲cool cool的，都幾襯馮盈盈，話曬人地都係MK界嘅佼佼者。
而今次卻面對自己阿哥離世，表情變化又係一個考驗演技嘅時候啦。而去起初唔肯接受事實，眼淚都忍住，一到認屍嗰刻，終於忍不住，崩潰大哭，都算真情流露。

而且第一次演戲嘅佢，網民都讚算唔錯啦，已經超出預期。希望日後可以再接再厲啦~
但有讚，緊係有彈啦，馮盈盈同楊明鬧交嗰部分，觀眾就話需要改善，特別係語氣同懶音，希望日後可以改善，再接再厲啦~
其實係套劇播出前，佢地已經預告過，點知結局會咁sad……



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁