盤點5個大台奸妃　網民：風情萬種嘅女人真係好正！

奸人係每套劇必備嘅元素，出現咗啲奸都出汁嘅角色，先可以襯托到主角！所以TVB好多古裝劇都有一兩個奸人出現，咁多年來都出咗唔少風情萬種嘅奸妃。做奸妃都唔易㗎，要靚同有手段先得，如果唔靚，邊個皇帝會睬你！依家CAP圖王就同大家數吓5個大台奸妃點奸法！
1.溫碧霞Cap嚟見我

溫碧霞喺CAP圖王心中永遠都係妲己，佢做嘅妲己真係深入民心。喺連登都有個「溫碧霞當年扮妲己真係好好J」嘅Post，入面有唔少溫碧霞嘅相，壞得嚟又令人心痛！仲好記得鄭子誠嘅一句「美人呀 美人呀」，有聲㗎！

2.向海嵐向海嵐當年拍《無頭東宮》，角色換咗面，頂替咗佢嘅閨密入宮，仲出手陷害陳妙瑛。嗰時Cap圖王真係睇到咬牙切齒！

唔知幾時會有埋陳妙瑛，拍《無頭東宮2》呢？
3.康華
依排康華上咗《流行經典五十年》獻唱黃品源嘅《你怎麼捨得我難過》，佢除咗唱歌得，做奸妃都好得！《金玉滿堂》入面假扮賢良嘅妖妃納蘭綺舒－舒妃簡直係漂亮妖媚。
4.楊怡
喺《宮心計》入面，楊怡變身奸妃爭寵爭到走火入魔，戲入面害咗唔少人。只係睇佢個妝，係人都知佢奸。

5.胡定欣胡定欣都曾經喺《萬凰之王》做過奸妃，對住胡杏兒做對手戲，一啲都唔會輸俾佢。見到佢嘅表情，真係好想打佢！

Cap by：網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁