單身狗，你有無「拍拖恐懼症」？！

:0:0

懷疑自己患咗拍拖恐懼症？曾經俾人背叛過、或者長期單身嘅人（比如話小編）都有機會患上，但系就連有拖拍嘅人都有可能患上拍拖恐懼症，唔系啊嘛？跟住小編睇下呢幾點有無你份喇！

1.「啱失戀果陣，俾hurt咗就唔再相信愛情，驚再次俾人飛。」

遇到錯嘅人，分開都系好事，俾自己冷靜一段時間，再去拍拖喇。唔使唔相信愛情嘅，只系你還未遇到真正適合你嘅人姐，咁就慢慢等待。

2.「唔相信男人/女人，覺得異性系難以理解嘅生物。」

即使俾前度hurt咗，但請你相信唔系所有異性都一樣嘅。

3.「要估對方嘅心思系一件很懊惱嘅事情，唔想投入一段曖昧關係中。」咁就順其自然，唔使亂咁估對方諗緊乜、對自己有無興趣，真正嘅愛情系唔使刻意追求嘅，兩個人嘅默契會令彼此不知不覺間靠近對方。4.「拍拖令人情緒容易受波動，唔想再俾拍拖住走。」

如果你系一個情緒敏感嘅人，乜事都有可能會影響到你嘅情緒，唔系凈得愛情。5.「覺得自己長期處於單身狀態，唔識點去拍拖。」

凡事都有第一步，無人一出世就識點拍拖，何況呢個世界上無人完全明白點拍拖架，就算我哋唔系perfect match，只要另一半接受自己嘅唔完美，已經足夠。

6.「遇到追求者瘋狂追求果陣，尤其覺得抗拒。」

點解唔當佢系你嘅朋友來相處，前提系你都要等對方知道你只當佢系朋友。

7.「聽到甜言蜜語後，肉麻到好想打冷震。」聽到陌生情侶打情罵俏嘅話，梗系想一刀斬埋去喇，但系如果對住自己鍾意嘅人，自然唔會有呢種感覺。

8.「遇到有好感嘅人果陣，不斷否定自己對佢無意思。」

否定嘅原因只因為你費事自己夜長夢多啩，呢個系好事嚟嘅，順其自然就得喇，有欣賞嘅人系一件好正常嘅事。

9.「遇到鍾意嘅對象，覺得呢啲機唔系屬於自己嘅，永遠唔敢做主動。」

引用張家輝在激戰中嘅名言——「驚，你就輸一世。」連阿源都有咗女朋友，呢啲機會絕對有可能系屬於你嘅，睇你敢唔敢去爭取。如果無試過，你連成功嘅機會都無，呢個道理相信大家都明。

10.「即使喺一段關係入邊，經常擔心有日會分手。」

如果連喺一齊嘅時候，你都無辦法好好珍惜眼前人，到失去之後你一定會後悔。

[圖擷取自網路，如有疑問請私訊]