(親身分享) 我係一個有陰陽眼既人，你唔好以為人死左真係會消失

:0:0

大家你好, 我英名叫Tina, 中文名天娜是我真名。其實今次是我第一次在這個討論區開A/C, 平時我同好多其他沈默的香港人一樣只是做"觀眾"唔會留言,今次咁做的目的是想同大家分亨一些我的經歷,從而令大家更加真正地了解靈界世界裡面一些可能大家從來唔知的秘密。我是一個天生就擁有陰陽眼的女子, 我是遺傳我爸爸的特徵, 其他家族成員兄弟姊妹全部都沒有這方面的特徵, 大家可能會笑我話剩係我一個咁唔好彩一出生就要" 被迫"睇到好多我唔想睇到的事物, 好老實如果有得俾我揀我寧願呢輩子都睇唔到"佢地",做番一個正常視覺景觀的人,唔好俾我睇到咁多嘢知道咁多嘢。好多人都想知道究竟我地陰陽眼人擁有咩嘢特徵, 首先我形容我自己, 我天生就擁有一對明亮晶瑩的大眼睛(好似馮寶寶, 陳凱琳果類型), 有少少鬼鬼地, 所以成日有朋友都問我是否混血兒,由細到大好多親戚朋友都同我父母講話我將來大個咗一定要去選香港小姐或者去做明星, 讚我靘女又話我對電眼友好迷人, 在我讀書的成長歷程一路都被好多男生追求, 更會惹來其他女生的妒忌。後來到我長大後, 我認識了兩個陰陽眼的女性朋友, 她們跟我一樣都是擁有一對亮晶晶的大眼睛, 令我更加確定原來我地呢類型眼球設計的女仔, 是好大機會會有陰陽眼。

細路仔自懂性以來第一次接觸到靈界而自己有記憶是幼稚園高班, 之前可能遇過但由於年齡太幼小無印象無記憶而且未懂事未識性, 我以前返上午班六讀幼稚園高班時,課程有一堂是唱歌仔玩集體遊戲, 但每次一入到果個課室就有一個穿著白色衫的"少女姐姐"同我地成日小朋友一齊"玩遊戲", 但是她時時都頭茸茸, 我睇唔清楚佢的全個面貌, 但由於她比較年青後生所以是我肯定她唔係老師,之前我成日以為佢係老師安排倍我地玩遊戲果d姐姐嚟嫁, 因為我地有時小朋友手搭手成一直線玩扮"火車"果姐姐就會排係最尾用手搭住排最尾的小朋友的膊頭跟住我地一齊玩, 有一次因為家中急事我祖母在上課中途來接走我放學,當時我是上梗呢堂, 當時有另外一位老師帶我祖母來都課室門口,然後叫我個名話嫲嫲現在來接我放學叫我即刻走, 呢個平時唔會同我講嘢的少女姐姐突然同我揮手當時我估應該同我say goodbye, 我立即做出一個一般小朋友的反應向佢的方向揮手同佢say goodbye, 跟住開口說" 拜拜姐姐,拜拜姐姐", 當時我個當席老師同我祖母同另外一個老師好驚訝, 我祖母跟住話果邊都無人問我同"誰人"說再見, 我同嫲嫲講有個姐姐企係果邊我同佢講拜拜,老師同我嫲嫲講我可能懷疑有"幻覺" 或者妾想症的症狀, 叫她轉告我父母第二日要安排"見家長"了解情況同怎樣幫我, 我爸爸是做懲教署,我記得當時佢問我見到咩嘢, 我一五一十講哂俾佢聽, 我爸爸跟住同我媽媽講明天要請假去幼稚園睇我上課的情況同因為見家長要見老師, 我媽媽極力反對, 因為做懲教署係一早編哂更表好難臨時臨急同其他同事調更,我記得她說光天化日而且課室開著燈, 一定唔會係果d嘢,叫我爸爸唔好信哂細路仔說話當真, 結果第二日爸爸真是有去學校睇我上堂, 跟住入咗教員室同老師傾咗好耐, 隔咗兩個禮拜, 我就轉咗去第二間幼稚園讀書, 當然到了後來的漸漸成長, 我爸爸有同我講過當時發生咩嘢事同埋點解轉校的情形給我聽。

今次暫時同大家分亨番我第一次的經歷, 由於篇幅問題, 日後希望會一日一文繼續我的靈界事情, 謝謝。

[圖擷取自網路，如有疑問請私訊]