港姐被爆復合兼玩地下情　男方：冇公開講係咪單身

:0:0

拍拖係開心嘅事，都係兩個人嘅事，但如果雙方都係公眾人物，好多人就會好八挂好關心佢哋嘅感情狀況。今次有位港姐被爆玩地下情，男方竟然冇否認。

Cap嚟見我
上星期陶傑就同麥明詩、馮盈盈以及一名朋友出去玩，之後陶傑就放咗一張佢哋四個嘅相上FB，仲寫住：「急Call現時行蹤不明之林作（Joe Lam )：精嘅好速速蒲頭！今晚此處好多靚仔，凌晨一點半前若未交人，你條女隨時高危！」

林作都有喺留言回應陶傑︰「我喺老蘭溝緊女」。

分明係踢爆佢哋拍拖啦！唔通係大復合？因為麥明詩同林作曾經都拍過兩年拖！

一個係十優港姐、劍橋畢業，一個飽讀詩書、來自牛津，仲要兩個都係讀法律咁啱key，其實襯到絕一絕嘅麥明詩同林作當年分手，真係令唔少人大跌眼鏡大嘆可惜！

當年分手之後，麥明詩就同記者講：「分咗無話唔可以喺番埋，就算死話一齊又無話一定可以無事！」

今次林作出席活動時，就話唔知陶傑喺FB爆佢同麥明詩玩地下情：「完全不知情，見我咁都係尋尋覓覓。（如有女友不講出來？）唔知！咁耐以來一直無公開講自己單身定非單身，如果婚禮見到我都係咁講。」

你兩個講嘢咁夾，喺埋一齊啦！

膠通消息來源：巴士的報，頭條日報，AM730
麥明詩林作斷正撐枱腳掟煲唔掟蓋相隔年半，好多人最期待的畫面又再發生，日前有市民巧遇麥明詩約埋林作單獨high tea疑似翻兜！唔通兜兜轉轉還是覺得你最好？周一(23日)麥明詩就正式回應本刊：「唔係復合，因為一齊過了解過，所以做朋友比做情侶更適合！」
麥明詩獨家村港姐雖然分手已經超過年半，不過麥明詩同前度林作關係就繼續曖昧，疑似掟煲不掟蓋。日前二人又單獨在金鐘約會被網民撞破，話就話朋友食吓tea敍吓舊，不過現場消息就話二人一個食飯、一個睇書，無聲勝有聲其實更有默契更似情侶。一年傳出幾次復合消息、今次更有圖有真相，麥明詩接受本刊電話訪問再次否認，斷言與林作因為了解而分開，所以不會復合。

被爆同前度林作私下約會後，麥明詩雖然否認復合，不過近日出席活動就明顯如沐春風，心情都靚咗。至於林作，反應更激，出雙倍價錢懸紅杜絕網友爆圖爆料外，又自稱做過市場調查，指個人感情新聞冇網友讀者關心咁話。

門當戶對、學歷相當，麥明詩同林作拍拖三年，16年9月卻因為不滿林作之少爺脾氣及口花花愛撩女仔，宣布分手。林作觀眾緣係爭啲，不過無可否認可能係孭住10A高材生又高學歷港姐的麥明詩感情狀況又確係多人關心。據知情人士透露，出身書香世代、自幼品學兼優係人生勝利組，麥明詩雖然成功當選港姐冠軍又入埋行，不過出道以來，無論異性定同性，要在電視台搵個背景、學歷相符、有共同語言共同生活圈子的朋友難過登天，所以入行三年，知心朋友無幾個、更是緋聞絕緣體，經常做獨家村，一個人划艇、打拳消磨時間，朋友圈亦兜兜轉轉發現都係同林作最啱key。

雖然係港姐冠軍，外形出眾又能言善道，不過出道三年來麥明詩學霸氣質始終與電視台顯得格格不入，去年萬聖節濃妝扮茉莉公主，亦被網民抨擊不合襯。

電視台中學歷相當、可以溝通的同輩不多，所以麥明詩平時毋須開工都係被拍到一個人划艇學拳打發時間。話就話「因了解而分開」，神女無心，林作同林媽媽王莉妮有心翻兜同撮合呢！

呢頭話自己冇新聞價值，嗰頭林作又發表Hugh Grant傳記讀後感，趁機話牛津妹文筆太chok，個人都係「最愛劍橋妹」。

麥明詩：撐林作懸紅反爆相記：《東地》記者｜麥：麥明詩
記：係唔係真係同林作復合？
麥：真係唔係復合，其實都回應咗好多次，呢個話題愈回應愈係沒完沒了。
記：林作話要懸紅加碼一千蚊畀網民唔好爆相爆圖畀傳媒？
麥：佢呢個主意又幾好！我覺得香港人素質唔應該係咁，冇理由為咗五百蚊去侵犯人哋私隱。

復合傳言一出，林作即在個人社交網絡po文，沒有否認復合，不過就加碼懸紅抗議市民偷拍爆料。

同林作分手年半，麥明詩少傳緋聞身邊亦一直沒有其他異性出現，其實最傾得埋都係前度林作。記：到底當日同林作約會做乜？係唔係單獨見面？
麥：我一直都有承認同佢有keep住聯絡，嗰日咁啱大家都得閒又喺附近，所以約埋一齊兩個人食個tea。
記：既然仲係朋友、又咁啱傾，點解唔復合？
麥：就係因為大家一齊過、了解過所以知道雙方性格同埋人生階段都唔適合，所以覺得我哋兩個都係以朋友方式共處最舒服，好過情侶。
記：分手年半有冇拍拖？
麥：我有識新朋友，佢身邊都有好多女仔出現，不過真係未搵到適合，我都唔心急話一定要有拖拍，呢啲嘢要慢慢嚟，都急唔嚟！