鄭嘉穎陳凱琳下個月行禮？　網民：真係好事成雙

TBB又多一對情侶！下個月就49歲嘅鄭嘉穎同27歲女友陳凱琳拍攝無綫劇《殭》撻着，父女戀差成22歲，戀情一開始不被看好，女方家人仲一度反對，不過無懼風雨，據知下月二人仲會喺海外舉行小型婚禮，「父女戀」正式開花結果。
2015年，Grace呢朵「嫩花」直插嘉穎心，愛得癡纏。二人由半同居開始，Grace多次表示已視嘉穎為Mr.Right。去年中，佢sweet爆回應兩年內會結婚，最爆係佢係社交網站自稱已經有「未婚夫」，當時嘉穎回應：「係咪講緊我呀？唔使一定要結婚，可以跳過呢個步驟。」！
Cap嚟見我


Grace好友賴慰玲上年生B，Grace都拉埋嘉穎一齊去探B，二人都非常鐘意細路仔。雖然Grace年紀輕輕，但都甘心做「少妻」同「嫩媽」，二人亦有計劃，婚後即刻趕工生B，努力為鄭家繼後香燈。


嘉穎圈中最好嘅朋友包括拍攝《鐵馬尋橋》幾位稱兄道弟藝人馬國明、林子善、黃嘉樂及「阿妹」唐詩詠等，繼林子善結婚後，嘉樂與馬國明都成日俾人話指好事近，呢位「阿哥」當然不可以再俾人爬頭，雖然圍內已經稱呼Grace為阿嫂，但眾好友都希望佢地可以快啲拉埋天窗一家親！
Grace非常懂嘉穎嘅心，知男友最錫媽媽，故一早就行緊奶奶政策，之前嘉穎做舞台劇，她一副新抱仔姿態孖住未來奶奶去睇騷，又打入成功嘉穎嘅朋友圈，大家都讚Grace係好女仔、人品好，絕對喺嘉穎眼中加晒分。


雖然二人近年經常分隔兩地，嘉穎於內地拍劇及多部電影，半年來密賺了半億，都是想娶女友過門，快快生B做老竇。適逢下個月生日同時又結婚真係好事成雙啊！



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁