胡鴻鈞晒小六學生相　網友力撐純天然

歌手胡鴻鈞最近憑《降魔的》「石敢當」一角人氣急升，主題曲〈到此一遊〉又唱到街知巷聞，正所謂人紅自然是非多，大家都知胡鴻鈞近年愈來愈有韓星feel，塊面由方包變V煞，「削骨還父」傳聞真係無人不知！呢日胡鴻鈞就post咗張小六學生相，究竟同依家分別大唔大呢？
胡鴻鈞2010年於《超級巨聲2》奪得亞軍入行，向來賣歌喉唔賣樣嘅佢歌藝有冇進步就唔知，不過個樣就肯定唔同晒！先睇睇以前嘅佢，塊面方包咁方，同依家真係好大分別！
Cap嚟見我


胡鴻鈞由2010年嘅1.0方形面，進化到今時今日嘅V煞面 ，被網民戲稱「削骨還父」，同哪吒一樣咁孝順！不過佢接受傳媒時，就多次否認自己曾整形！
呢日胡鴻鈞就喺IG晒出一張小學六年級學生相，並留言：「先生，你是誰呀？​」相中嘅胡鴻鈞戴住眼鏡，不過都睇得出有少少面尖尖，同大個之後嘅方包面唔太似，可以話係仔大18變！同時有網友力撐佢冇整容，話一睇就知個腮骨係純天然咁話。

膠通消息來源：東網on.cc、東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁