林作教書被插誤人子弟　麥明詩無眼睇

林作有大律師唔做，入娛樂圈行搞笑無厘頭路線，同時又躋身補習天王之列專教英文，不過佢鍾意撩女愛講有味笑話，經常行為不檢點，似乎與老師的專業形象相違背。最近有網民插爆林作誤人子弟，甚至有家長拒絕讓子女再上他教的英文堂。對於林作被插，舊愛麥明詩表示：「我冇留意佢啲嘢！」一於劃清界線！
有個富媽媽的林作，在英國牛津大學畢業住六千萬豪宅，舊愛是10A港姐麥明詩，偏偏放棄大律師牌要入娛樂圈，可惜天生一副「摟打」樣，不修邊幅的他次次出鏡髮型都打晒風，但仍無減其自大愛撩女個性。去年林作加入補習學校做補習天王，至今吸納了不少慕名而來的學生，在英國讀書十年的他，教英文絕對有料稱職，不過其猥瑣作風卻被抨擊。
Cap嚟見我

據知林作教英文係唔差，佢上堂好風趣成日講笑話所以一啲都唔會悶，不過亦因為佢好識氹女仔，搞到唔少父母都擔心佢哋嗰啲情竇初開嘅囡囡。唔好以為男同學就冇事，好多家長都驚自己個仔上完佢堂學晒佢嗰啲厚面皮嘢，所以都唔想畀個仔跟佢學英文。

 
業於牛津大學的林作，搖身一變成為補習天王，專門教英文及擔任海外升學顧問。不過網民對其為人師表表示質疑,認為他為人冇品兼誤人子弟。

對於林作被轟誤人子弟，麥明詩劃清界線：「我冇留意佢啲嘢！唔知佢做過啲咩。時代變遷老師形象都可能會顛覆，成功嘅手法未必係大家所認同。」

日前經理人范振鋒請全公司藝人遊泰國，林作在上載一條在車內調戲同門女藝人陳嘉茵的片段，片中林作色迷迷不停望實女方，女方直指佢個樣好淫賤好猥瑣，尾段林作仲疑似大講：「我啅硬！」

林作為了吸客,承諾修讀其課程的學生考試 達到某個分數便會發放獎學金。此外,他又在 IG 上載與不少女學生的 WhatsApp 對話,叫班女學生 讚佢,教書不忘氹女仔。

膠通消息來源：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁