陳琪轉做師奶界KOL　月賺6位數隨時搵得多過老公

:0:0

與胡諾言結婚十年，做胡C9照顧兩女一子頭頭是道的陳琪，婚後保養得宜的胡C9，外貌完全睇唔出已經44歲，凍齡有方加上持家有道，同老公胡諾言又形象健康，食正師奶愛家心態，近月陳琪便以貼地師奶，成功跑贏經常被網民指愛標榜係闊太的葉翠翠，更密食當三番，將美容、健康產品到生活百貨一網打盡，每月穩袋六位數字，賺錢隨時多過老公。
撰文：東方新地｜圖片：東方新地
閱讀全文
陳琪成功轉型做KOL17年拍完《宮心計之深宮計》離巢無綫外闖的陳琪，講明離開是為尋求更多機會，加上是兩女一子之母，要留更多時間照顧家庭，陳琪最終選擇放棄幕前工作轉做KOL。據知情者透露:「喺無綫拍劇雖然工作量唔算太多，但始終比較困身，嗰時個仔啱啱出世，要湊住個 B B 又要睇住兩個女要花好多精力同時間，陳琪見近年 KOL 有出路，喺屋企做直播又方便照顧小朋友，於是決定唔續約轉型試一試!」

湊仔親力親為的陳琪，每次直播都打扮樸素，同一班師奶交流心得表現貼地，密食當三番捱出頭。

現時已成網絡紅人的陳琪，食住幸福師奶形象，獲唔少品牌垂青，每月收入超過六位數字，不過陳琪都唔係一開始就一帆風順，頭三個月收入微薄，她亦唔怕辛苦努力做各樣產品研究，了解家庭需要，靠積極捱出頭，近月便成功揮低曾是網絡紅人的葉翠翠，成為親子界賺錢王。

除咗對三個仔女照顧無微不至，陳琪對家中四長老(父母及老爺、奶奶)亦照顧周到，孝順愛家好形象成功吸 Like。

打理頭家唔容易，陳琪出得廳堂亦入得廚房，同老爺奶奶更相處融洽會合力煑飯。

轉行做 KOL，陳琪有更多時間照顧家庭及仔女。

早前她更專登陪同大女到北京參加學校的遊學團，廿四孝媽咪事事緊張。積極捱出頭據知情者透露:「其實初期好多產品都係贊助冇收入，不過陳琪都唔介意一步步嚟，等自己儲多啲粉絲先，可能因為佢同老公胡仔( 胡諾言 )形象夠健康，好快佢已經吸納唔少師奶支持，最緊要係佢哋一家都生活貼地，屋企有老有嫩，感覺到佢打理頭家好用心好全面，同班師奶好多嘢都啱傾。」

陳琪同老公胡諾言結婚十年仲係咁恩愛，夫妻健康形象更令她成功打入師奶圈，成為炙手可熱網紅。

常要返內地工作的胡諾言，不用開工亦會同老婆分工，不時會接送兩女返學放學。「本來葉翠翠靠親子形象轉型，一路有唔少支持者，不過後尾翠翠因網購問題同粉絲罵戰，加上相比陳琪嘅貼地，翠翠就比較高不可攀，所以分享持家心得嘅胡 C9，就令班師奶好受落，依家陳琪喺 fb 已經有近十萬 followers，收入多過佢做藝人!真係幫屋企賺唔少家用!」

網民批葉翠翠愛做上等人，她亦以「小王子」及「小小王子」稱呼兩個仔，表現唔夠貼地，同師奶網民距離拉遠。

已經是兩子之母的葉翠翠，17年大仔出世後，以新手媽媽分享湊 B養身之道做賣點，轉型做KOL大受歡迎，不過搞網購卻一度被 fans 投訴，搞到形象受損!今年是陳琪同胡諾言結婚10周年，早前兩人就帶同三個仔女重影婚紗相，表現興奮的陳琪，坦言希望日後每十年都影一次，直至兩公婆變公公婆婆都要影，相當浪漫。幾時都話藝人有健康形象等同有運行!嫁到個顧家好男人，陳琪賺到幸福家庭仲賺埋錢，胡 C9今次真係雙贏嘞！