過氣港姐重手P圖驚變ET 　網民：搞到蔡思貝唔似達哥

:0:1

現年30歲的、2011年度港姐季軍許亦妮（Whitney）於2015年解約後淡出幕前，早前佢仲改名叫許芷熒，雖然冇喺無綫工作，但佢同圈中人都有聯絡，蔡思貝係其中一個，今日Whitney在IG分享二人飯局照，佢留言大談佢哋嘅友情、餐飯食啲乜，不過網民錯重點，指許亦妮P圖P到好重手變咗ET，仲話連蔡思貝都唔同咗樣！

撰文：東方新地圖片：新傳媒圖片、Instagram、微博
閱讀全文
前港姐許亦妮約蔡思貝食飯現年30歲的11年港姐季軍許亦妮（Whitney），原來已改名叫許芷熒！Whitney今日在IG貼出同的蔡思貝(Sisley)嘅飯局照，雖然二人都係港姐出身，但Whitney與比Sisley遲兩屆參選港姐，而作為師妹嘅Sisley經常鼓勵Whitney：「你是那個成日都推動我、支持我去追尋我理想嘅人，我真係好需要呢份支持，你了解我內心的不自信、憂慮、擔憂……可能你的一句說話，突然我又覺得沒有問題了。有時候越close嘅朋友和家人嘅溝通方式，就是好像篤中對方死穴的那份了解，被篤中了死穴後又不會感覺尷尬……（中略）……人越大越明白原來被熟悉的朋友，家人讚美讚頌，其實越是一支強心針。」

雖然Sisley近年在大台上位拍不少劇集，但作為好友的Whitney未因此而追看，她說：「從中一開始讀寄宿學校沒有電視機，讀大學，住的地方也是沒有電視機，所以已經習慣了不看電視，亦很少去電影院看電影。通常如果我在家裏開着電視就會被說：『嘩你開電視呀？竟然？』」雖然Whitney唔多睇電視，但佢話為支持Sisley會追看她演出的劇集：「好啦！我今天開始落番地球，開始追你嘅劇集，做番個稱職嘅好朋友。」

重手P圖Whitney分享了多張自拍照及食物照，不過網民話佢所有自拍照都加上filters再重手P圖，皮膚滑到唔自然，塊面又細下巴又尖，對眼仲大到嚇人，成個ET咁！最慘就係化淡妝嘅蔡思貝，都因為佢P圖而變咗大眼濃妝！

食物相就梗係冇P圖啦！許亦妮本身有對大眼，平日都好鍾意戴「大眼仔」同化濃妝，加上佢重手P圖，所以啲相靚得嚟都唔太自然！

《潮流教主》結緣演技同被插爆二人早年在無綫劇《潮流教主》中合作，劇集出街後網民呻蔡思貝的高分貝聲線轟炸，許亦妮戲份唔多，但由於負面形象太深入民心，所以一樣被插爆！

Whitney同蔡思貝在現實中堅係好老友，所以兩位好姊妹當年嘅觀眾緣一樣咁差！

Whitney貴為2011年香港小姐季軍及最上鏡小姐，其靚樣及激凸身材成功令人留下深刻印象，亦有唔少機會演出或者做主持，可惜入行後是非不斷，如見親記者例牌黑面、網上發表惹火言論等，仲有片場扮大牌，以致星運平平。

自爆有人開高價邀去飯局圈中女星被邀出席飯局、伴遊等新聞屢見不鮮，2016年許亦妮突然喺微博貼出兩張對話Cap圖，對方話出價50萬，希望Whitney出席飯局。見到佢一直未有回覆，對方不停催促，之後仲話個客出價100萬甚至150萬吸引佢！

咁Whitney有冇動？答案係冇嘅！佢仲留言鬧爆︰「就算300萬，500萬，1000萬，多少錢我都不會考慮」，又指「第一，我不是這種女人！第二，我不會從這種途徑認識朋友；第三，我就算是窮到甚麼地步也不會選擇從這樣的途徑賺錢！請大家別再問了，敬請再詢問以及發送變態信息。有時候大半夜看到真的嚇死我的！」最後仲好有禮貌咁講聲︰「謝謝」