屙屎最忌廁所係咁樣　巴打：我唔想同屎水玩遊戲 | 真心膠 | 膠Hub

:0:0

去完廁所要沖廁係美德，但有好多人都會冇手尾，去完拍拍屎忽就走人。成日唔沖，下個點用啫？所以就有感應式沖廁嘅出現！但呢個發明，有時未必係好事！
閱讀全文
事情是咁的，有巴打就喺連登出Post話「X你個感應式沖廁」，究竟佢有咩怨氣呢？

內文如下：
到底係邊個天才發明
柯篤屎同我沖六七次廁
一烏個身去前面又沖郁一郁個身又沖
搞到我柯個屎都要坐到直成尊佛咁
我都係想舒服啲蛇下王姐
相信好多有用過感應式沖廁嘅巴絲打都知，有時沖廁自動沖係冇原因嘅，要沖嘅時候唔沖，你去緊嘅時候就沖到你成個屎忽都係屎！
巴打繼續講，就話「啲屎水係咁彈上嚟，又冇得走，好L想死」

佢自己就好嬲，諗緊下次點對付呢個情況！

深蹲去啦！一沖就彈起身！有唔少巴打就好明白樓主感受。

個Post好大陣味呀！！！

肥仔黎成日都放紙太多，塞埋個廁所！

你哋又有咩方法解決呢？？
膠通消息來源：巴士的報
可能係最難忘同遺憾嘅事　網民：只有經歷過先會明連登最近又有年經post，今次係一人n個你永遠唔會忘記嘅感覺。肥仔黎睇完真係好有共鳴，人愈嚟愈大真係會有好多遺憾同埋難忘嘅感覺。

連登經常有post分享巴絲打嘅感受，今次係關於永遠唔會忘記嘅感覺。
失戀組

失戀嘅感覺我相信好多人都試過，大家都有段喺自己懵懵懂懂嘅時候，個種撕裂嘅心痛肯定刻骨銘心。

家庭組

突然一條生命，身邊嘅人離開自己嘅感覺都係好難忘，因為你會唔習慣身邊突然少咗個人。

生離死別嘅難忘係文字形容唔到，只有自己經歷過先知道。

其他古靈精怪組

跟住有奇奇怪怪嘅初體驗，呢啲新奇感覺都係會令大家難忘。

呢個真係集體回憶黎。

第一次組

一生人有好多第一次，第一次kiss，第一次初戀，呢啲種種好同唔好嘅第一次都係我地腦海入面好難忘嘅回憶。

突然黎feel組

最後就係一啲突然黎feel嘅感覺。

肥仔黎就覺得今次嘅討論超級高質，一人n個難忘嘅感覺，大家成長中有好多痛嘅，開心嘅，糾結嘅，失落嘅感覺。其實好難斷定邊個係最難忘，因為就係呢啲感覺組成我地嘅人生，就係呢啲經歷令到我地成為今日呢個人。難得地肥仔黎都追post追得咁感慨，第一次咁正經同大家開心討論。感慨啊，原來做功課真係好簡單，做人真係好難。
連登最近又有年經post，今次係關於以前俾呀爸呀媽發現偷打機嘅攻防戰。唉！睇到呢到真係唔認老唔得。

是咁的，就有巴打突然喺連登開post，討論依家嘅細路根本冇以前我地驚俾老母捉打機既恐懼感。

個post一出，大家都開心share以前嘅各種招式，肥仔黎見到好多以前自己嘅招數，真係好鬼有共鳴。

呢招check閉路電視，真係好鬼好駛，不過自從屋企人識摸電腦熱唔熱之後，就破招。

呢位同學仲誇張，去買cam，睇嚟佢係人民幣玩家XD！

不過講到尾，大家都係感嘆以前乜都唔駛諗，唔駛煩，可以打機呢啲好簡單嘅小事就可以好開心。

出到嚟返工，有錢買晒以前夢寐以求嘅裝備，遊戲機，但係已經冇精力玩。

就好似網絡作家-張晨(“鳥”不起)所講嘅咁，終有一日我地會成為裝備狗。

《終有一天，我們都會成為一個裝備L》
裝備L，係形容一啲人，針對某樣活動/興趣，不斷購入裝備，愈買愈Pro。
但買完，就算。並唔一定放好多時間畀呢樣活動。

即係好似我咁。
幾年前開始夜晚跑下步，但就咁一件Tee一對鞋，當然唔得！
於是去運動店買齊成身裝備，由頭到腳，睇落你話我出國比賽都有人信！
然後呢幾年埋單計數…都有跑嘅，但有時一個月先3、4次。
均速保持6分鐘1k，毫無長進。
模型呢幾年買咗十盒左右，得一盒開咗，砌咗半身，其他全部封塵。
但我今日已經同朋友討論緊買咩模型工具好，一隻鉗都3舊水。
電子產品都係，明明自己每日打機時間可能得一粒鐘，但呢排密密睇人砌機，秒秒諗住張畀人炒到飛起嘅GTX 1080顯示卡。幻想自己都可以開大個Mon，享受最高畫質。
未開始學畫畫，就買晒一set素描筆；
未踢波，先睇最新波Boot…
真係「屎波裝備多」。
其實我自己都知，模型我根本砌唔到太多、瘋狂打機係諗得太多、畫畫我已經冇咁嘅耐性、對波BOOT有冇機會掂到草地都成問題。
去到一個時候，你就發現，自己似乎已經冇得「多元發展」。
但開始賺到啲錢，又諗起好多兒時願望。
於是乎「準備咗」就當「做咗」。
買模型鉗時，我已經幻想咗一堆模型擺好POSE；買素描筆時，我已經幻想自己畫好一大批人像畫；買波BOOT時，我已經幻想到入波嘅剎那。
一切都唔會發生，但你依然會識得開心。
懂得沉醉咗虛構劇情之中，是社會人士的技能。
我諗每個人都一樣。
多咗錢，少咗時間；
多咗裝備，少咗實行；
最後你好講究事前功夫，卻失去了賽後報告。
原來，大家都一樣，
終有一天，我們都會成為一個裝備L。