肥仔因阿媽1句話減30KG　巴打：夏雨都可以變彭于晏 | 真心膠 | 膠Hub

:0:0

最近，台灣有一名男生於網上發文，分享自己因媽咪一句「減一公斤收200台幣！」成功減掉30公斤的經歷，他更上載多張減肥前及成功減肥後的相，有唔少網民睇完相後都不禁驚呼「兩個人來的吧」、「真有點像彭于晏」！
閱讀全文
台灣肥仔狠甩30kg變型男一名台男於上星期在網上討論區發文，表示自己自細就因身材肥胖，而被身邊人叫做「胖子」，亦有人覺得佢同台灣男主持胡瓜「撞樣」，所以呢位台男終日心情悶悶不樂，情緒低落。

雖然呢位台男並冇透露自己嘅磅數係幾多，但睇佢上載上網嘅相，相信都唔輕磅。

被嘲與胡瓜撞樣啱啱睇完位台男嘅側面，再望望啲人話佢似台灣男主持胡瓜，小編都覺得人哋咁講，其實都不無道理，皆因兩者真係有幾分相似。

台灣男主持胡瓜但我覺得佢似夏雨啲啲！

據知，當時亦有朋友話佢係個「潛力股」，瘦咗應該會好好睇，但佢只認為對方係口頭安慰佢，所以一直都冇念頭去作改變。

直到畢業季，佢影相後亦自嘲「實在是醜到不行」，仲覺得自己人生就是永遠做胖子度過餘生，所以就放縱不戒斷咁食！

減肥只因媽咪一句說話當台男諗住「放棄治療」後，直到一日去健康檢查先發現身體快要達到「三高」嘅標準，即高血脂、高血壓及高血糖，結果佢媽咪都睇唔過眼，於是同佢講：「你！減一公斤200塊！」
台男指自己當時因為未工作賺錢，所以覺得條件非常吸引，所以為咗200蚊台幣，每餐計算卡路里，又不吃高油、高鹽及炸的食物，攝取均衡營養和做運動。

減肥成功！結果幾年後，台男真係瘦咗落嚟，不但因甩掉身上肥肉，令五官變得立體，身材更愈嚟愈結實，就連一啲好耐冇見嘅朋友見到佢都認不出係之前嘅肥仔！

台男直言自己真的擺脫了以前懶、宅、只會吃、打機到天亮的自己，佢仲分享心得，指自大家唔好只追求卡路里上嘅數字，因為咁只會令自己力氣越來越小，而唔係真正減肥。

佢仲叫大家要變瘦的話就要努力增加肌肉，減少脂肪，咁先可以健康咁減磅！網友驚呼似彭于晏唔少網民見到佢減磅後嘅相後，都紛紛驚呼「兩個人來的吧」、「真有點像彭于晏」，亦有人覺得佢嘅故事非常勵志。不過，亦有網友想知台男最後合共收到媽咪幾多錢，又話妒忌台男指「我也想有人資助一下」。

另外，台男仲提醒大家唔好嘲笑肥仔，因為話唔定瘦下來就會令個樣變得完全唔一樣，就好似彭于晏就係個很好嘅例子！
im too fat
A post shared by Eddie Yuyan Peng (@yuyanpeng) on Feb 11, 2017 at 9:21pm PST

膠通消息來源：東方新地、Dcard討論區、Instagram、YouTube截圖

[圖擷取自網路，如有疑問請私訊]