KOL為呃Like直播世界盃被捕　網民：「老公仔」變on9仔

講到世界盃，大家都可能只係關心下邊隊對邊隊，阿根廷點輸波，C朗嘅「帽子戲法」！唔知大家會去酒吧同班friend睇波，定係係屋企自己享受呢？如果想睇曬64場，就要係Now TV 睇啦~雖然今年冇得係TBB聽荷蘭叻講波，但部分比賽都可以係Viu TV睇！但睇波都要係正確途徑睇好d，有位KOL自己非法睇之餘，仲share俾網友睇，下場就梗係被人拉咗啦！
Cap嚟見我

話說海關接獲版權持人舉報，話有人涉嫌利用網上直播平台，非法轉播世界盃賽事。於是拘捕左一對叔姪，包括21歲綽號「老公仔」的網絡紅人，疑似有人為呃like所以在網上轉播世界盃，觸犯版權條例。 所以真係唔係咩都直播得㗎！

收到有人舉報，海關就緊係要做野啦~海關人員就係尋晚9時採取行動，係東涌逸東邨翠逸樓一單位拘捕兩叔侄(21歲及60歲)，撿獲電腦及Now接收器等器材，總值約2萬元。而呢次仲要係海關第一次破獲市民利用網上直播平台(Voov)非法轉播收費電視節目的案件。

而被捕兩人為叔姪關係，其實佢地都係Now TV用戶，有付款收看世界盃賽事。不過，有人心術不正嘅話，就會引禍上身啦。呢個21歲男子係網絡紅人「老公仔」，過手機Apps—Voov（直播平台）將多場世界盃賽事直播俾啲網友睇，呃like賺取禮物。唔好睇小呢啲禮物啊，呢啲可以換成錢㗎！

而呢個網紅都有萬幾名follower㗎，而佢都幾好技巧地直播，少啲IT技能都唔得~佢將Now接收器嘅世界盃賽事畫面訊號傳送到電腦，再用軟件，將賽事訊號Po到直播平台，唔係單單用手機或平板電腦直接咁影電視畫面。佢地尋晚就咁啱睇緊巴西對哥斯達黎加賽事，估唔到咁就俾人拉左…

而呢個VOOV係新興嘅直播APP，其實只要你有一部電話，就可以隨時做主播，（人人都可以做KOL！）而佢設有唔同嘅不同主題，例如有吹水、電玩等等，自己中意咩就Follow咩。除左可以傾計之外，網民仲可以送虛擬禮物，而主播就可以把禮物兌換為現金變成收入，所以令到呢個網紅有犯罪嘅念頭……

而海關就提醒市民，如果利用網上直播平台非法轉播收費電視節目，一經定罪，最高可判罰款50萬元及監禁4年！同埋我地要尊重知識產權，用合法嘅途徑去睇收費電視節目，唔好貪睇小便宜啊~

Cap by 蘋果日報
 
 


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁