「10大最乞人憎TBB藝人」選舉　網民：點解我個BB入咗圍？

每個人都會有唔同口味，有時鍾意同討厭嘅嘢都唔一樣。最近有網民喺香港討論區搞咗個「我厭惡的十大無綫男女藝人」投票，Cap圖王心入面都有啲人選，睇吓佢哋入唔入圍先！Cap嚟見我
第10位 「暖男」王浩信王浩信愈來愈紅，憑《不懂撒嬌的女人》「Saving」成新一代暖男。但近幾年佢嘅緋聞冇停過，黃心穎、蔡思貝、江嘉敏都係緋聞女友。早排仲有傳同靚老婆陳自瑤離婚，令佢嘅形象嚴重插水！
  第9位 巨聲幫林師傑出自巨聲幫嘅林師傑之前就經常見報，因為佢有過唔少緋聞女友。連舊愛鄧穎芝都暗寸佢多囡囡，所以網民對佢嘅觀感都麻麻哋！
第8位 拳擊達人崔建邦崔建邦早幾年有好多偷食嘅緋聞，之後又被爆女朋友，網民都成日話佢係賤男，所以多負評係正常嘅。
第7位 無處不在黃翠如可能翠如BB榜上有名會令大家嚇一跳，Cap圖王都想大叫一聲「翠如BB點解有份！」。不過有網民話，因為大台谷佢谷得太勁，差唔多套套劇集都見到佢，演技麻麻嘅佢永遠都係一號表情，真係睇到唔想睇！

第6位 偽毒食女 吳業坤坤哥俾網民嘅形象係傻吓傻吓，但後來佢被傳背住前緋聞女友Super girl成員Aka識女仔，感情生活好亂。依家好多人都話佢係「扮傻扮被動」「偽毒」。
第5位 小三何雁詩出身自巨聲幫嘅何雁詩喺上年被指，介入鄭俊弘同未婚妻，做小三！之後鄭俊弘與何雁詩突然十指緊扣現身機場，高調承認戀情，令到好多網民都反晒白眼！
第4位 荷蘭叻陳百祥叻哥經常公開講自己嘅睇法，獲獲都語出驚人。佢寸寸貢嘅口氣都令唔少網民覺得反感！
第3位 今晚_你 李思捷溝女王嘅李思捷緋聞好多，但佢都仲好有性格咁話：「係人都溝女，唔溝女才是乖仔？我覺得很荒謬，俾女溝又被人罵，溝女又被人罵，不如孤單一個就最乖？我覺得好無聊。」
第2位 兄弟唔幫 林盛斌主持阿Bob成日都喺電視見到佢，但佢觀眾緣實在唔OK。新一輯《美女廚房》佢都有份㗎，不過好多人都話佢唔好笑要罷睇。

第1位 世紀賤男 鄭俊弘乖乖仔鄭俊弘被爆出搭上何雁詩，封佢為「世紀賤男」。仲有傳佢因為依件事，態度欠佳，令原本佢喺《逆緣》所演角色，最後被陳家樂取代！
唔知大家又對依個「我厭惡的十大無綫男女藝人」投票點睇？
對於漏網之選，好多網民都有意見喎：有人覺得 「10個名額太少」唔夠派⋯⋯對於以上排名傾向用「花心賤男、姣花」作準則 ，似乎不足以量度⋯⋯哨牙港姐同埋杜如風未能入選，實在令人遺撼⋯⋯
念念不忘，留言出現率極高仲有「唯痿」同埋蔡思達⋯⋯膠通消息來源：香討，Yahoo新聞
下一頁：其實點會少得佢？！「唯痿」北上大翻身：「係下一個陳偉霆?! 」


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁