高招阿姐派傳單屈人錢　爆seed：係你話要買嘅 | 真心膠 | 膠Hub

依家出街真係要好小心，原來連收張傳單都可能冇咗幾皮。搞到肥仔黎我真係好鬼驚，乜原來依家出個街都咁危險。
閱讀全文
有網友早前喺Facebook嘅元朗吹水區入面開post提醒大家，佢喺元朗遇到一個癡線嘅傳銷員，一般傳銷員都係跟住你，嘗試說服你買佢地嘅產品，但今次呢個唔簡單。
呢位進擊嘅傳銷員，佢就派張美容院嘅廣告，再喺單張下嚟一招「傳單底攝一張單」。


樓主嘅女朋友好心接咗，點知就大獲，俾佢要求埋單俾錢，老屈樓主女朋友：「係你話買嘅」，最後仲誇張到跟埋去銀行門口。

樓主話自己冇留意張單嘅金額同內容，雖然冇金錢損失，但女朋友受驚：

「跟到去銀行門口叫人俾錢佢，仲話係佢（樓主女友）話要買，仲影返我相。」

唔少網民紛紛留言，叫事主唔好理派傳單阿姐：




好多網友都批評咁樣老屈嘅行為好誇張好過份。最後有關美容院都喺Facebook專頁道歉，並聲稱推銷員基本上唔會涉及任何錢銀交易，所有交易都會在舖內進行。


膠通消息來源：元朗吹水區@fb
鳳姐「黑超肥花」屈錢實錄按摩除咗有正邪之分，都有黑店之分。最近有網民大爆油麻地有間按摩黑店，按摩師俾網民改名做「黑超肥花」，佢強迫男顧客接受貴價性服務，顧客唔肯俾錢想走，佢又禁錮對方逼佢俾錢先俾佢走。

「黑超肥花」按摩店位於油麻地一幢商住大廈嘅三樓，在樓梯轉角位置已經貼有「請直上樓上３樓推拿」嘅指示。「黑超肥花」上圍豐滿，經常戴住黑超，聲稱提供推拿服務。不過顧客上門後，「黑超肥花」就強迫男顧客接受貴價性服務，對方唔肯俾錢就反鎖大門禁錮對方，要對方擺低錢先可以走。
有受害嘅男網民爆料，話「黑超肥花」係假賣淫真屈錢。網民按門鐘上門，就見到戴黑超嘅中年女子，一副圓潤身形露出事業線。「黑超肥花」一嚟就遞上熱茶招呼，網民表明只係想做推拿，但見到牆上貼有「包你HAPPY，先付錢先，全套$3000」嘅紙牌，心知唔對路，諗住以「去銀行撳錢」為由走人。

點知「黑超肥花」就頂住個門口，唔俾佢走：「唔可以咁㗎，有閉路（電視），你沖涼先吖，做完先走！」網民覺得唔對路想走，「黑超肥花」就用龐大身軀擋住大門：「你唔好行咁埋呀，做乜事呀你！」。


網民堅持想走，「黑超肥花」就打開恤衫鈕：「我唔收你錢住先，係咪做㗎？」。網民就話只想做腳部推拿，「黑超肥花」就大大聲咁話：「點呀，你畀唔畀錢我吖！你爭我啲錢，睇咗我全相喎！」。最後「黑超肥花」跟網民去撳錢，仲一直都話網民仲差佢$1200 「肉金」，不過佢哋最後喺街擾攘二十分鐘，網民先甩到身。

Hotels.com屈客錢去旅行都會訂定酒店，不過大家通常揀邊間公司book酒店呢？有網民用hotels.com訂酒店，入咗discount code之後竟然收返原價，本身仲話冇得改，後尾先話搵負責部門處理，但要等成7日先有回覆，搞到網民嬲豬開post鬧hotels.com係黑店。


唔少網民紛紛留言，都試過俾hotels.com屈錢：
JKJK

幾間都仆街
有啲你book左，到步間野話無book
你打去問佢叫你去另一間同級
X你老母大家五星級但差天共地
明屈你錢
中過三次招以後直接同酒店book

有網民提議用第間公司訂酒店，好似用agoda咁，都未試過出事：
嘩共產黨呀

用agoda未試過出事….仲試過FREE UPGRADE

SL

用過晒agoda hotels.com expedia booking.com都未出過事

 


不過有網民試過用agoda或者其他公司訂酒店，搞到出晒事：





有網民食花生教路，下次咁訂酒店就包冇死：






[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁