《蝸居宅急變》男戶主現身撐老婆　啲玩具係海關送俾我嘅！

最近兩日《蝸居宅急變》個節目熱爆全城，不過並唔係個節目好好睇喎，而係鬧爆個爆，尤其係之前有一集講有個老婆搵整容女Queenie布置催情部屋，個男戶主返到屋企O晒咀一幕真係經典！
峰迴路轉！屋主放閃！Cap嚟見我
《蝸居宅急變》第4集呢幕，引起唔少巴絲打關注！最新圖片：屋主網上放閃！證明情比金堅！放閃例證2：老婆送嘅！滿足老婆少少心願「有咩問題？」睇完個節目，人人都話佢老婆係港女，老公今晚終於忍唔住要爆啦！
節目播出後兩天嘅晚上，屋主決定喺佢自己經常出沒嘅Facebook Group「今日一入玩具報價區」開post回應，力撐老婆唔係死港女，又話老婆一路都好尊重佢嘅興趣，屋企ps4，VR同好多模型都係老婆買黎送俾佢！仲話：「試問一個肯送呢d貴重玩具比另一半既女人點會係你地口中既人？老婆既然尊重我既興趣，我作為老公都滿足下老婆少少心願係裝修度整得粉紅少少有咩問題？」
玩具＆櫃近照，喺粉紅屋入面仍然「健在」！老婆愛心送玩具嘅例證！真係令人葡萄！屋主保護愛妻、不忘串9 TVB不過老公都補咗一句串9 TVB：「同埋我想講我老婆係鐘意淡粉紅而唔係桃紅囉佢地根本買錯哂顏色…」，根本成件事就係《蝸居宅急變》編審岑應同條整容女Queenie搞出黎，如果唔係佢老婆明明唔係鍾意桃紅，又點會應承你將間屋搞到一樓一咁呀？！
屋企ps4，VR同好多模型都係老婆買黎送俾屋主！除咗玻璃櫃，似乎屋主身後尚有唔少好嘢！最後男戶主講出咗玩具雖重要，但家人更加重要嘅觀點！「其實玩具都係身外之物，唔好聽講句大家走左玩具可能只係陪葬品，愛你珍惜你既人先係生命中最重要的，今次呢件事上面大家咁重視我個櫃去左邊而去傷害我重要既人，你地有無諗過我其實重視玩具定係家人多d？你地中傷我家人即係對我唔尊重，希望大家尊重小弟尊重我愛既人，亦都尊重自己～」
巴打狂讚「真男人」 戶主聲明全文個post到11點為止有成1,800個like，大家真係要睇下全文：

[文長慎入］見大家咁關心我個櫃，我就係度同各位師兄報平安先！我個櫃連入面既玩具以至於雜物房入面既收藏全部原封不動無郁過，本身我無諗住出聲，但實在太多未審先判既師兄們不斷出post或留言中傷我最愛既人，所以我不得不出此post證明我老婆並非你地心目中既人！

我想講佢一路好尊重我既興趣，家中既ps4, VR, 櫃入面既大贊卡，未砌好得副骨既pg 豪版exia, 仲係房未砌既pg unicorn全部都係我老婆送比我氹我開心的，識我既人都知我每次收到呢d禮物都會放上fb放閃絕無虛假，試問一個肯送呢d貴重玩具比另一半既女人點會係你地口中既人？老婆既然尊重我既興趣，我作為老公都滿足下老婆少少心願係裝修度整得粉紅少少有咩問題？我相信明事理既師兄們會理解的！
同埋我想講我老婆係鐘意淡粉紅而唔係桃紅囉！佢地根本買錯哂顏色…

係度有感而發想講多少少耶穌，各位師兄未必每個都有家室或者有另一半，但大家應該都有自己重視既人，其實玩具都係身外之物，唔好聽講句大家走左玩具可能只係陪葬品，愛你珍惜你既人先係生命中最重要的，今次呢件事上面大家咁重視我個櫃去左邊而去傷害我重要既人，你地有無諗過我其實重視玩具定係家人多d？

你地中傷我家人即係對我唔尊重，希望大家尊重小弟尊重我愛既人，亦都尊重自己～
p.s. 借post分享下大家擔心既玻璃櫃過往海關送比我既禮物。望呢個post可以終結各位既疑慮同連日黎對我老婆既中傷，謝謝！

網民回應：快速吸Like過千，大家都盛讚屋主係真男人！設計師 Queenie 陳莉敏普通話回應：「大家不要雞蛋裡面挑石頭」至於遭巴打矛頭直指嘅節目主持「QQ」陳莉敏，原來在節目播放完畢都有拍片回應！
Queenie喺個人fb專頁放Live分享今次節目心得，view數都有10K，不過素顏瞓床自拍嚟講，就唔係有咁多勇士留意得到。佢表示今次節目係全心全力去做，拍攝時間好短又緊迫，所有嘢都係佢落手落腳去做：「一個單位只有兩次拍攝機會，一次係未整、第二次拍就要落手……」
編按：老老實實，Queenie嘅口味唔係常人接受得到，個老婆喺節目不斷附和「好靚好靚」，到底係演技定真心覺得OK？喺自拍短片入面，Queenie素顏剖白整個拍攝過程都係由自己主導，並無假手於人：「腰衰背痛，咬實牙關、問心無愧」，佢仲話自己其實有潔癖，要面對唔同家居環境真係好唔容易，講到尾仲希望大家唔好咁負面去睇件事，講講下仲爆咗句大陸話：「大家不要雞蛋裡面挑石頭」…..
拎個廢棄車軚放入屋，巴打表示：「呢個on 9節目係咁叫人掉垃圾，然後又不斷放返d新垃圾入屋……」識睇一定重溫返《蝸居宅急變》第4集重點CAP圖！今次TVB個岑應又做埋晒啲假到核爆嘅節目《蝸居宅急變》，仲搵黎整容達人Queenie，sor。。。人地而家自稱家居變裝達人！係，達人嘅嘢我地真係識條鐵，你話係就係架啦！不過唔少連登巴打都已經睇穿佢地攏嘢：成班戲子，玩示範單位！
今集呢間屋，本來都已經有唔少粉紅色元素，但係條港女屋主就覺得唔夠，話要整一間「烈焰紅唇粉紅博物館」館～館～館～
就岩睇，屋主都好似正正常常，但係最後出咗黎間屋就真係唔多正常！
黎到呢一幕，同大家玩個遊戲先，大家留意下張圖，睇下之後有咩唔同咗！

 
虧個Queenie仲講得出口，話唔知阿老公見到會唔會有咩反應。。。


係咪好期待老公返黎係咩反應呢？

個老公一入門口見到間房變成咁樣，真係O L晒咀！

阿Wing見到老公即刻港女上身，使出「嗲功」，仲出黎港女絕招「叠～字～」

之後就係戲肉，個老公黑晒口面，又暗串Queenie教壞自己老婆！

阿Wing見勢色唔對，出動「我為你著想」、「連打機都幫你諗埋」等招數！不過最慘嘅係老公到而家都唔知俾老婆丟咗一樣好重要嘅嘢！









俾多張前後對比圖再做多一次photo hunter！結果簡直係男人嘅惡夢！

開估啦，原來老婆丟咗嘅係。。。
係，係玩具櫃呀！原來個老婆做咁多嘢就係為咗丟老公個玩具櫃，巴打不禁講返句：海關可恥！

不過有巴打突破盲腸，留意到阿Wing丟咗老公個玩具櫃！唔怪之得個老公一返黎，阿老婆就講打機黎轉移視線XDXD

有巴打話，睇呢條女仲好過睇整容女Queenie！
全部都係港女最喜愛嘅「粉系」、「紫色」同「花花」，男人睇見都想。。講多謝晒！

唔少網民話Queenie係「掛鹿頭，賣西肉」！
其他巴絲打回應：

「佢老公EQ算高 如果係我實屌到果2條八婆反艇」

「粉紅都唔一定下下shocking pink嘅啫…粉紅都可以好有格調，鮮黃草綠都可以好靚，只要有sense.」

「住係裡面會發癲」

「呢個on 9節目係咁叫人掉垃圾，然後又不斷放返d新垃圾入屋」

「 我身為女人我都頂唔順成屋都是pink…」

當你發現老婆將間屋變成粉紅色主題一樓一
巴打：「呢個on 9節目係咁叫人掉垃圾，然後又不斷放返d新垃圾入屋」


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁