前藝員爆最nice係馮盈盈　TVB臭串之王原來係呢位男星

:0:1

電視台員工同藝人朝夕相對，分分鐘仲見得多過屋企人，見得多就自然露出真面目㗎啦！最近有一位喺大台做咗幕後6年嘅前員工開post玩「你問我答」，揭開唔少藝人嘅真面目，邊個藝個人最串？邊個藝人最nice？到底「人生馬戲團」係咪真係咁純品？
咁多謎團就等呢位前員工一一解除封印啦！
Cap嚟見我

究竟 FYY 嘅真實一面係點嘅呢？！

幕後 PA 點睇「是非精」鄺潔楹？？「大部份藝人都好Nice嘅包括⋯⋯」回復你本來既真面目啦！究竟藝人嘅真實一面係點嘅呢？前員工就話大部分藝人都好nice嘅，當中最nice嘅就係FYY馮盈盈同「是非精」鄺潔楹喇！農夫、Ali BB、翠如BB、蕭正楠、陳豪、心穎BB、江嘉敏、何遠東⋯⋯仲有《Think Big天地》同《學是學非》嘅一班女主持都幾nice㗎！

25歲的Judy 2014先畢業，由模特兒做起。（詳見：可能係史上最靚邦民女）

「限奶令」無礙《3日2夜》嘅鄺潔楹浸溫泉⋯⋯

就算無 Do 姐「調校」，陸永同C君都同幕後好好招呼，大家有共同語言、係唔同啲⋯⋯「鏡頭前後好大反差」嘅女Artists：Ali上鏡靚之餘，原來據呢位巴打講「真人再靚多一截」！真係難得！另外喺巴打口中香香亦都屬於「真心好有禮貌、好靚」嘅藝人。

巴打可以同李佳芯（Ali）做同事，真係好開心呀⋯⋯

「翠如姐」妝前妝後都幾大分別

巴打表示黃翠如同蕭正楠都無咩架子：「會主動同你吹下水、分享下d零食一齊食」（唔知係咪X記杏仁餅⋯⋯）

幕後巴打總結對FYY嘅印象：「講野淫、feel到真心膠，幾好笑」極高評價，仲補多句：「真心正，至少覺得佢夠真！」

大家都好想知江嘉敏真面目，巴打就話入行前啲嘢唔清楚，但覺得真人幾正，仲自嘲：「可能我品味差啦」

網民好關心「是非精」，工作 6 年嘅巴打就表示：「學非班女就無咩評價都係好nice個堆黎⋯⋯」估佢唔到！汪阿姐都好Nice據幕後巴打親身分享，原來就算人人都覺得佢「勁惡」嘅汪阿姐，其實都好好㗎：「只係佢做事認真啫！」

阿姐嘅歌聲被網民評為笑柄，但工作態度喺公司幕後而言真係無得批評⋯⋯

「果公司人工可以加多啲啲，休息時間多啲啲，關心多啲啲，山頭文化少啲啲，一定可以留到更多人才，士氣更加高漲⋯⋯」阿姐喺台慶嘅發言，簡直好似公會主席一樣，台前幕後都覺得好啱聽。臭串藝人 Top 2！人人都話好nice，唔通個個都真係好nice咩？前員工就話最串嘅藝人係「21800000」同「Laughing Gor」喎！初初入職時幫「21800000」戴咪，仲俾佢話：「你行開啦！」不過之後見得多，又覺得佢份人冇乜嘢，仲一齊傾波經！

馬明也有爆煲時！仲有個「一廠黎明」都好討厭，話佢份人扮晒嘢喎！另外「劉姓女星」同「胡姓女星」個格都麻麻地喎！最估唔到係人人都讚係好仔嘅馬國明，都有無啦啦發老脾嘅時候，不過前員工就話其實佢個人幾好㗎！
「戲屎男偽人」雙冠軍對於「邊個戲屎、邊個有Potential」，曾經參與過唔少長篇劇嘅巴打都有唔少心得，例如依家被封殺嘅張繼聰就獲得正評「仲覺佢戲路好廣」，至於新上位的何遠東都算有potential；做咗 6年，覺得戲屎嘅藝人，巴打嘅答案就係⋯⋯

“成陣亞洲味、洪xx”

睇嚟又真係無乜懸念⋯⋯

巴打見過張保仔教陳凱琳做戲，當時心諗：「顧掂自己先啦！」「土申哥」真人係咪串柒柒？

「土申哥」有人想知坤哥真人係咪串柒柒，巴打就話「唔串、但好明顯扮傻」
至於「係咪扮毒食女？」巴打嘅回應就係：

“大家有眼睇”

吳卓羲真人衝唔衝動?

“好冷靜”

親身驗證「純品」女藝人網民長期關心嘅「人生馬戲團」係咪傳說中咁純品呢？有人話覺得佢係偽人喎！阿前員工就咁答：「feel到真係純，好nice！」

大台工作待遇是咁的：雖然講到見識多人面廣，但原來待遇真係同外界所講一樣，認真麻麻，自爆喺大台工作咗 6 年、位職收音師嘅巴打表示，入職時人工Hk$6,400、離職就 HK$13,000 （聽d師兄講已經算多、未計OT），今時今日嘅入職薪酬大約係HK$9,000尾至HK$10,000頭；由於要跟進劇集拍攝，返工嘅時間都好唔定時，「試過最長朝早9點30、返到第日凌晨4點30」！雖然待遇一般，不過巴打自己都表示「喺大台你學嘢就實學到，前途就真係睇你好唔好彩」⋯⋯
膠通消息來源：連登
相關文章：網民熱捧TVB新女神　扮學生妹一秒KO馮盈盈