【連登眾籌】兩日籌錢度稿排版設計仲每份唔同　網民高呼：連登仔屈機！

:0:1

因香港發生一連串的社會爭議，連登仔在6月25日發起眾籌，目標是籌得300萬趕在G20峰會前登各國報章頭版廣告以喚起國際關注香港正發生的大事。結果短短11小時內超額籌得670萬，並集合了各大界別的高手，兩天內就設計好所有報章的廣告及排版，仲以各國語言翻釋到不同國家的報章。份份報章都不一樣並且非常吸晴，令一眾網民激讚！
來源：Facebook、各大報章
Cap嚟見我
連登仔嘅威力真係不容小覷，平時報章設計、度稿、排版、與報社溝通，各樣協調上嚟平均都需要一星期左右。由連登仔眾籌至登報只有短短兩日，仲要係各大報社、各種語言，而且每份設計都唔一樣！聽落係Mission Impossible，十分之唔簡單，但咁難嘅事連登仔就做到，仲要做得「好好睇睇」！換來網民一致好評，高呼「香港勁揪！」、「連登屈機！」。
韓國：韓國日報

東亞日報

朝鮮日報

日本：朝日新聞

Japan Times

英國：The Guardian

美國：紐約時報NY Times

德國：Süddeutsche Zeitung

加拿大：The Globe and Mail

澳洲：The Australian

台灣：台灣蘋果日報

事情起源：連登仔對近月香港發生的大事不遺餘力，不但發起聯署、去信各國要求關注香港的事態發展並展開制裁，利用網絡的便利性及傳播性去「文鬥」香港政府，實行自己香港自己救。今日更發起眾籌300萬於G20峰會當日（27日）在各國大報上登頭版廣告呼籲國際關注香港的條例修訂爭議與警暴問題，半日就極速籌到670萬爆哂數！
來源：LIHKG
眾籌在今日下午約3時半截止，超過2萬人捐款，總額達到670萬超額達成，現已停止收取捐款。當中更因為市民捐款太踴躍，被付款平台Paypal以為有人洗黑錢，一度只能以信用卡及銀行卡付款，後來才回復正常。