見人地做錯野唔係要忍,而係要屌柒佢

:0:0

見人地做錯野唔係要忍讓,而係要屌柒佢

sponsored 我曾經管理一個屋苑，未入職前我已經知道裡面新同事流失率好高，基本上每一個新入職既人做唔夠三個月就會自動辭職，管理處長期缺人，所以管理質素亦相對下降，成日俾人投訴。上任無耐，我就請左一個年青人返黎，面試期間見佢思想正面，談吐有禮，好快就請左佢做物業助理，點知做左唔夠兩個月就辭職唔做。我問佢辭職原因，佢話唔適應新環境，想搵一份更加適合自己既工作，見佢去意已決，我都無謂再作挽留。一個人既去留背後有好多原因，不過每次新同事入職都做唔夠三個月就一定係有可疑，我開始留意管理處裡面同事既一舉一動，觀察到每一個新入職既同事初時都同其他同事關係唔錯，後來就會漸漸被人孤立，繼而選擇辭職，佢地辭職既原因唔係因為唔適應，而係因為俾舊同事排擠，而始作俑者正係管理處既一位女主任。sponsored 呢個世界，總有一啲西人會做出損人不利己既事，佢地會鍾意講是非，鍾意說三道四，搞個小圈子去排擠一啲佢睇唔順眼既人。好多人以為唔理佢地，又或者忍氣吞聲自己做自己野，佢地就唔會搞你，偏偏呢班西人見你唔出聲就踩多你兩腳，驚整唔死你。

每一次女主任發現有新同事做錯野都唔會出聲話佢地，而係會選擇背後說三道四，誇大同事既錯處，其他人聽得多就自然都覺得新同事做野有問題，夾埋玩針對，好自然，小圈子就係咁樣形成。本來，我可以輕易咁搞掂個女主任，調佢去其他屋苑又或者係直接炒佢，乾手淨腳，偏偏我個人又鍾意以理服人，要佢輸得心服口服。sponsored 呢段時間，我唔再請人，加大小圈子既工作量，過重既工作帶黎就係同事做野開始甩漏，於是我決定一挫女主任既銳氣，開始向其他人埋手，放風話女主任表現唔好，成日做錯野，痴佢太多會影響年尾雙糧同加人工幅度，跟住就係響佢放假既時候請同事食飯，而女主任返工既時候就唔同佢講野，等佢知道自己唔得寵，埋唔到我堆。歷時三個月，魚餌終於上吊。女主任行入我房問：「你係咪唔鍾意我？」我答：「點解咁問？」女主任：「點解你背後話我做錯野，又唔直接同我講，要四圍唱我！」我：「仲有呢？我仲做左好多野，你發現唔到？」女主任：「你返工唔同我講野，我放假你就同其他同事食飯，我返工你就當我透明，你仲唔係唔妥我？」我：「都好!你都蠢唔曬！」sponsored 女主任:「咩蠢唔曬呀？你唔妥我就出聲，唔好講埋呢啲咁難聽既說話！」我：「我而家所做既所有野，只係俾你感受一下被人排擠既感覺究竟係點。我知道新同事係因為抵受唔住你地既冷言冷話，而俾你地迫走既。」

女主任：「我地冇迫走佢，佢地成日做錯野，係我地俾佢地累死就真！」我：「每個新同事入事入職都會做錯野，不過我地既正確做法應該係正面指證佢地既錯處，佢地連自己錯響邊都唔知，試問佢地又點樣去改善佢地既錯處？」女主任聽完好似有啲茅塞頓開，我花左三個月時間就係希望將我以上既說話講俾佢知，等佢切身感受一下新同事面對新環境，面對俾人排擠既壓力。sponsored

[圖擷取自網路，如有疑問請私訊]