為左交租, 估唔到男友去屈KFC 7包茄汁...好想飛左佢!

:0:0

呢件事我覺得好醜, 真係唔夠膽同朋友家人講, 只可以呢度呻我同男友一齊租緊淘大,每月扣左租金, 日常開支, 都仲有1,2千, 諗住將來結婚用.揀佢因為佢幾成熟, 雖然悶D, 但唔會周圍去玩果種,皮膚仲幾白淨今晚大家外麵食完飯後, 諗住返屋企, 我醒起屋企無茄汁, 要佢去百佳買支茄汁.sponsored點知佢好醒目咁答: 駛鬼買咩! 佢拉住我去KFC, 仲打尖同店員講: 可唔可以比幾包茄汁我? 男店員跟手比左2包; 我男友居然繼續,仲大大聲講: "你地依家唔比茄汁比客既咩, 有無搞錯, 搞到我走出走入拎茄汁." 佢大聲講完, 店員已經講, 唔好意思唔好意思, 又比多2包. 估唔到我男友居然唔夠喉, 繼續屈: 你唔可以比定幾包比我既咩!!! 周圍D人望住佢, 我覺得好醜, 但店員怕左佢, 再比左3包茄汁. 最後佢直接拉我出舖頭, 好鬼自豪咁講: 你睇, 咁就拎左7包茄汁啦, 仲要買茄汁? 我問佢, 你係咪有D 過份, 一支茄汁幾錢喎, 做咩要屈人, 屈人無比你.佢突然好惡咁回應我, sponsored唔使交租呀, 你咁, 你搵過第2個有錢男人啦.我覺得好hurt,突然覺得佢唔係我男友, cheap 哂, 仲唔認錯, 仲要我去搵2個發難咋. 大陸人都唔會咁啦, 佢真係cheap.佢返到屋企, 放低果7包茄汁, 要我剪開滴入個樽裡, 我實在過唔到自己個關, 我諗緊之前既茄汁係咪佢咁屈番黎. 我好擔心佢變本加厲, 第時去公厠偷厠紙, 偷水,,,,,唉, 為左錢, 可以咁盡.........另外KFC 會唔會番睇店內錄影架? 我唔敢再行經淘大KFC

[圖擷取自網路，如有疑問請私訊]