33歲, 有冇人份工/人生 HEA 過我?

:0:0

33歲, 5 DAY WORK, OFFICE HOURS (但我日日番12:30PM, 放5:00PM 冇人理因為老細都遲番亦唔會CHECK住. 有時出去再食2-3個鍾lunch行街買野做完私人野先番去) sponsored月薪 $17000. 冇讀大學冇進修冇做過part-time ( 因為我唔捱得亦唔想辛苦自己去賺多幾千蚊就係為左溝女/養車/買樓. 咁我會覺得自己更sad 同會養成更多妄想痴求難以安守自知之明. 我做人舒服自由就夠 -- 呢個係我30歲後既想法. 回想以前自己係幾咁天真成日想一步登天).番公司多數上網睇嚇呢樣玩嚇果樣 (睇電影, 上DISCUSS吹水, 追TVB劇/韓劇, 淘嚇寶, 上141睇下7日鮮, 乜都唔會有人理).不過我為人尚算有少許野心, 所以好多時都係上 3x, 開著一通, 用自己既"hit-and-run"心法抄期子期權上落即食 (平均每月執 $10000 - $25000 幫保自己既娛樂開支, 層經玩好大輸過好多錢所以宜家只玩即食保每日最低利潤亦唔敢賺得大).sponsored份工已做左7年. 唔請人亦唔炒人 (除非成個部門接埋或 d人自動走). 前幾年呢份工都正常幾忙既, 不過近年已變成公司既非重要業務部門 (所以老細都唔理我地亦唔會加人工比我部門). 有野做, 不過係ROUTINE野做慣做熟通常唔使半粒鍾搞搞掂, 有ADHOC野就忙D囉.我早就有心理準備呢份工總有完結一日. 但我冇諗轉工, 只想做得一日多一日. 有人工加就最好不過冇我都唔緊要, 可以hea到咁我都唔知點再搵第二份. 我亦唔會適應到其他工. 萬幸中, 我冇女朋友亦唔打算搵一個香港拍拖係全世界最貴 (我又接受唔到食豬扒中女真心食唔落妳養埋我都係假). 所以我打算: (份工一完) 我就會番大陸父母早年買落既 apartment 長住, 順便申請攞番曬啲 MPF 出黎維持生活. 慢慢學下在家鄉搞D 小生意 (開番間食店, 餐廳或小酒樓). 搵幾千人仔一個月, 有部車仔有樓住可能生活開心指數都高過在香港捱生捱死搵3 皮一個月為供樓. sponsored在大陸二線城市(非深圳) 只要外形KEEP到嚇 3X歲港男搵個後生純品(非夜場)女朋友結婚一同快樂生活非難事 (只要你願意留底生活). 會唔會有其他可能性? 有. 不過人愈大, 就愈有自知之明. 要搵個好似岑麗香咁外甜內熱既 ABC 港女做女朋友結婚擺酒生仔, 呢D大想頭計劃留番比D 90後大學生 OR 有實力好命又有運既靚佬型男 .只係今日放假無聊分享一下自己既普通人生.

[圖擷取自網路，如有疑問請私訊]