有個控制狂慨男朋友，仲慘過單身狗？！

:0:0

sponsored 今晚一班friend食飯，食到主菜，飲品都未上，KK就接咗個電話。單憑對話我已經估到系邊個打嚟。KK好溫柔咁話：「我同一班friend食緊飯啊，基本上都系女仔…知啦…知道，我食完就走架啦，11點前返到屋企」KK收咗線，對住我「唉」咗一聲。我早就習慣咗佢會不定時收到奪命追魂call，而每次食完飯佢都系急急腳咁返去報到。我忍唔住笑佢：「妖，我以為你慣咗架啦！」KK話：「佢樣樣都要管，去邊、同邊個出去、有無男仔、幾點返，全部都要備案，要隨時搵到我。宜家連著條裙短啲，啲錢點使佢都要理埋。」佢嘆咗口氣繼續呻：「我唔想同佢嘈，但我都唔知仲忍到幾耐……」我見過KK男朋友一次，外表高大靚仔，待人又斯文有禮，但系邊個估得到到佢其實暗地裡系個對女朋友諸多限制慨控制狂……都話睇人唔可以只系睇外表。sponsored KK啱先講慨規條，我只系聽到一半已經覺得有問題。同朋友外出要申請？隨時on call？定時報告行蹤？以及比灰姑娘仲不如慨門禁？喂，更加唔好話KK春夏秋冬都鍾意著慨背心、短裙、熱褲，仲有女仔鍾意shopping慨喜好……呢啲估計連KK阿媽都唔會理慨事，反過嚟，要接受男朋友慨管束？咁做人仲有咩自由同樂趣可言？兩個唔同慨人行埋一齊，首先要學會尊重對方慨喜好同生活習慣與模式。如果要諸多限制同管束，究竟系關心定系控制？系愛定系壓力？有啲情侶的確係一個願打一個願捱，將管束，當咗系關心過度……但系連衣食住行都完全控制呢？拍拖唔系做奴隸，無需向主人膜拜！KK慨男朋友要一個絕對服從慨女朋友。KK為咗息事寧人，所以容許對方一步一步完全咁操控佢慨所有生活，但其實，真系會令KK心甘情願了嗎？sponsored KK話：「唔知仲忍到幾耐……」換轉其他女仔，就算呢個男人條件再好再吸引，應該好多都一早落荒而逃。唔適合慨關係，再加上控制欲極強慨男人，勉強落去都唔會忍出一個好結果。兩個人喺埋一齊，本嚟就需要有各自慨自由同空間。今日慨管束，明天失去自己，呢種唔正常慨感情關係會開心嗎？你話呢。

[圖擷取自網路，如有疑問請私訊]