靠演技唔靠後台慨上位藝人！TVB一定要留住佢哋啦！

:0:0

近期憑《一屋老友記》成功彈起慨「三寶」張頴康同「四寶」張彥博，其實都捱咗唔少年，見到佢哋終於受到人欣賞，小編都好開心。講真，與其成日亂咁捧班唔識做戲慨港姐同歌星（你知我講緊邊幾個，今晚唔開名，費事又有評論話我三日唔埋兩日就講佢），不如認真捧啲有實力慨藝人，以下6個就系近期做戲都唔錯慨藝人：sponsored 1. 張頴康

近日因為飾演《一屋老友記》入面慨「三寶」入型入格，張頴康再次受到觀眾澈贊。其實張頴康15年前以劉德華契仔之名進入娛樂圈，06年加入TVB，但一直只系做茄喱啡。直至2012年憑《回到三國》傻傻更更慨「范根」一角，開始受到注目。之後《師父・明白了》做殺手「江太平」，其武藝同演技被贊，《貓屎媽媽》扮演鐵漢柔情慨江湖大佬「范發」亦十分搶眼。無論系咩角色，張頴康都拿捏得好好，內心戲一樣難唔到佢，外表又幾型，咁好慨演員去邊到搵？今次《一屋老友記》終於成功做到男三，睇嚟真系上位有望啦。sponsored 2. 張彥博

張彥博喺《一屋老友記》入面做細仔廢青「細寶」，被觀眾贊演技自然唔造作，後來發現原來佢已經36歲，仲大過同劇慨胡定欣同「三寶」張頴康，天生娃娃臉更成為熱門話題。但其實張彥博早於2005年組成樂隊赤子出道，鋼琴同吉他都好叻，雖然後來樂隊解散，但佢都無放棄過歌手夢，先後參加兩個內地歌唱比賽，不過都未能獲獎。之後加入咗TVB藝員訓練班，但13年畢業後一直只系做啲行行企企角色，今次終於憑「細寶」一角成功彈起，佢又靚仔演技又唔錯，唱歌又幾好，有望食住個勢繼續上位。sponsored 3. 陳偉洪

近年TVB 青黃不接，花旦都話有啲後生港姐接捧（雖然演技質素參差），但系小生方面「小鮮肉」真系無咩人，近日喺《一屋老友記》入面做胡定欣只觀音兵得25歲慨陳偉洪，「震波」技能勁吸睛。其實陳偉洪唔講都未必記得佢系2009年慨香港先生少年組冠軍，之後加入咗TVB藝員訓練班，2011年《點解阿Sir系阿Sir》做「蔣進」一角開始為熟悉。近年唔少劇集都有佢份，戲分仲越嚟越多，好似《鐵馬戰車》暗戀貝Baby慨「Calvin」、《純熟意外》慨「Smart」。雖然演技都仲有好多進步空間，不過佢外型討好又後生，TVB又畀唔少機會佢，應該好快可以上到位。sponsored 4. 賴慰玲

雖然之前劇集《僵》被人大插劇情膠，但入面飾演極品港女「幽靈」一角慨賴慰玲就被人大讚，巴渣得嚟又好cute，港女得嚟又好得人鍾意，明明角色唔討好都可以做到人人喜愛，連黃秋生都點名贊佢！原來賴慰玲系香港演藝學院出身，之前做《女人俱樂部》少女版張慧儀「許珍妮」一角，小編已經覺得佢唔錯，其後喺劇集《梟雄》、《純熟意外》都有亮眼表現。其實賴慰玲雖然次次都唔系做主要角色，但往往觀眾焦點都落咗喺佢到，被網民贊演技「超曬班」慨佢嚟緊仲有唔少劇集，監製王心慰仲欽點佢做新劇《迷》女二，要成功上位應該唔難啦。sponsored 5. 何雁詩

《四個女仔三個BAR》系近年少有搵新人擔正慨劇集，搵嚟四個後生女孭飛，原本TVB應該系拍嚟捧前港姐冠軍陳凱琳，但點知飾演「姚翠花」慨何雁詩反而爆冷跑出，網民個個贊佢靚女兼好戲，連杜汶澤都覺得佢演技好。其實何雁詩系第一屆巨聲幫，但系TVB就無咩點捧佢唱歌，後來仲叫咗佢去拍劇。《食為奴》做「米小魚」有贊有彈，不過都有唔少人覺得佢可愛，終於系劇集《四個女仔三個BAR》彈出。作為新人，何雁詩演技自然率真唔造作，最緊要系有觀眾緣，而且又靚女（好多人覺得佢有啲似阿嬌），嚟緊又有唔少劇集，仲開始唱劇集主題曲（好聽過「好打耳」好多），應該會上到位慨。sponsored 6. 劉佩玥

講開《四個女仔三個BAR》，劇入面另一女角劉佩玥都值得一贊。呢套劇系自成為2013年港姐季軍後第一套劇集，新人嚟講演技過關，乖乖女角色討好，仲成為宅男女神。之後無論做《實習天使》慨「Abby」定《EU超時任務》慨「小美」，「甜到漏」慨佢網民勁like。近期佢有份做慨《僵》，當中佢劇中角色因關禮傑死而爆喊，幫佢報復再自殺，死得好悽美之餘，網民更贊佢「演技進步神速」。嚟緊重頭劇《城寨英雄》又有佢份，上到位都系遲早慨事。sponsored

[圖擷取自網路，如有疑問請私訊]