【肉類分割員】24歲OL轉行街市劏豬力度不足心思搭夠

:0:0

sponsored 向來陽盛陰衰的豬肉行業，最近增添2名女將，其中年僅24歲的王寶儀更成業內最年輕的女刀手。每日朝七晚六，分豬肉、刮豬毛、片豬油，由低做起；在肉檔手起刀落，斬肉排劏內臟，力度稍嫌不足但細心搭夠。剛完成培訓的小妮子樂做「豬肉妹」，學習一技之長，「以前以為自己做唔到，其實我都克服到，有個成功感」。記者王家文王寶儀是僱員再培訓局豬肉切肉員課程的首批畢業學員，經過約4星期培訓後，獲聘於中環結志街一肉檔工作，月薪1.3萬元。剛上班兩周已忙個不停，「每日師傅會打好曬啲豬，之後要分肉、執油、剷皮、刮豬毛；晏晝再返豬，就負責分割內臟，依家仲學緊分豬頸肉同豬手」。「話唔辛苦就呃你」，王寶儀笑說，培訓時10多人劏一頭豬，現實中只得幾人，更講求效率。落刀要快狠準，她仍在學習中，剷豬皮要用上半分鐘，其他師傅只需10 多秒，「力氣同技巧暫時掌握得唔係太好，要用多啲時間」；起初用攪肉機也雞手鴨腳，「攞唔曬啲肉碎，有時唔需要咁碎又攪到好碎」；甚至掛起一件豬肉都要從頭學起。 sponsored 做肉檔學問多，邊學邊做，「雖然力氣唔夠，但會細心努力搭夠」；在街市工作，她不怕污糟，但最難耐是熱到出汗，拿起重1.5公斤的豬肉刀，高舉過頭起勢斬落去，力氣要夠大，排骨才能斬開。中五畢業的她，由文職轉行劏豬，更覺得街市有人情味，也不介意被叫做「豬肉妹」，「都係招呼一句，幾親切」；最重要是學得一門手藝，「希望喺呢一行會有成就」。再培訓局今年5月開辦豬肉切肉員及屠宰員基礎證書課程，各名額20個，前者有18人報讀，13人入職，包括2名女學員；後者則13人報讀，9人入職。香港豬肉行總商會理事長許偉堅指出，業界青黃不接，從業員平均年齡逾60歲，估計欠約100至200人手，未來數年或現斷層，「依家得10幾個（畢業），都係望梅止渴」。他期望今年底能再開辦課程，甚至定期每年開兩班。他又指，王寶儀暫時是業界最年輕的女豬肉員，「希望佢肯學，令業界可以再出多一個女刀神」。 sponsored