「一個高妹的內心獨白」香港真係唔岩高妹生存...

:0:0

我由細到大都『高』人一等，小學六年班果陣就已經有17x。加上自己有d肉感,所以就俾人好strong嘅感覺。本身我都唔覺有咩煩惱，但自從上咗中學之後，關於身型嘅問題就接踵而來。我d同學都係15x-16x(女），好瘦咁，我好似格格不入。逐漸我有自卑嘅感覺，我好羨慕d嬌小玲瓏嘅女仔，感覺佢地好輕盈，有女仔要被人保護嘅感覺。而我就笨笨重重，強壯得似保護人果仲

示意圖,非當事人。

後來，我被人bully，不過唔算太嚴重，但歸根到底就係因為我嘅身型。佢地一口一句『肥x"，『咁高有咩用』，我心裏面真係好唔舒服，我恨不得自己可以立即縮短10cm同埋瘦2個size。我甚至都怕出街，好驚有人會笑我嘅身型，成日以為全世界都望緊我。身高無得變，但體重可以，我當時傷心好耐，決定要擺脫擁腫，成為我想要嘅自己。所以我開始每日做運動，少食甜野同肉，最後我fit咗好多。

但後來我先知道，除非瘦到得返骨，如果唔係，17x嘅大骨架都係會俾人有好man嘅感覺。有一次我病咗，我果d friend第一時間唔係關心我，而係笑笑口咁話『你咁強壯都會病ga?睇唔出wo』我其實好介意，但只可以笑下扮無野。我嘅best friend都成日話我大隻，好似挖苦我就會顯得她瘦咁。她成日當我係男仔咁靠我薄頭，坐我嘅腿上面，我好似變得男性化咁。而講到愛情，我連諗都唔敢諗。同矮過我嘅係一齊，就會好怪。而高嘅人通常都身型好靚，好瘦咁，我自認配唔上他。而且依家嘅男仔都好鐘意嬌小嘅女仔，可以依偎他，又可愛。但如果係我依d，就會無曬美感，無女朋友嘅感覺。其實我都想可以係某個人嘅面前小鳥依人一次。如果有一個人，可以真心接納我，將我嘅缺點變成優點，我真係可以放下依7,8年來嘅不安同埋自卑，拋棄人地嘅嘲笑同辱罵。因為我知道，他會欣賞我，保護我，我唔再需要迎合別人嘅目光。

但現實又點會隨人願呢？可能睇緊post嘅你係我依類人，都可能係我朋友果類人。但我想講嘅係，高妹其實都係有正常嘅女性角色，有柔軟嘅內心，有脆弱嘅一面。佢地唔會鍾意聽大隻依d字眼，因為佢地唔想man,而係想小鳥依人咁，有被人寵，被人保護嘅感覺。可能小小一件事會令佢地耿耿於懷，可能會一個人係深夜默默地喊，可能會有少女情懷但不敢外露，只因為要符合別人眼中的自己，被逼令自己嘅性格扭曲。係就快離開中學嘅時刻，我嘗試走出來，我唔介意大聲咁話我鐘意粉紅色，我鐘意high heels，我想被人公主抱......我就係一個普通嘅女仔，我想做返自己。我希望我不是孤身一人。

[圖擷取自網路，如有疑問請私訊]