連詩雅俾人圍插【純港女】，佢真係好難頂！！！

:0:0

《跟住矛盾去旅行》相信，大家都知道呢個節目講D乜將唔同價值觀嘅人擺系一齊即系唔岩Channel嘅人放埋一堆有拗撬就梗噶啦但最重要系最後能否戰勝分歧sponsored做到社會上所謂的理想狀態：「多元。」（多元呢個極之深奧嘅概念，唔作再多討論）

呢兩日出街嘅，就系連詩雅同葉蘊儀代表不同年齡嘅女人大家都明，老一輩總會覺得年輕人不知所謂年輕人又會覺得老一輩食古不化

本來準備咗視頻俾大家但系傳咗成日都唔過審大家只好睇文字啦最搶眼嘅莫過於喺連詩雅D英文

佢D英文唔好，大家都知啦成日寫錯比網友笑佢系女GOD 連Piece雅

連續幾次講錯rest in peace 做 rest in piece

仲有，下文就咁睇好似無錯，但系Although 同 But系唔可以出現系同一個句子小學英文都有教啦！！

連詩雅簡歷（多啦A夢聲線）

另一個搶眼嘅就系葉蘊儀對連詩雅翻到外太空嘅白眼

show3毫子英文、行為作狀令大家封佢做港女代表對於港女嘅定義半官方嘅說法系呢個

港女呢種生物，睇戲都有啦《我老婆唔夠秤》嘅YOYO MA夠嗮經典

被稱為世界級港女嘅杜如風
又點會同呢件事無關，睇下佢系點睇嘅

連詩雅港女呢D表面野大家睇過笑過就好不妨，大家可以深入D睇有港媒對呢件事有極之詳細嘅報道可樂君覺得大家真系可以認真睇嗮Shiga期間發揮「港女本色」，check-in時都系咁篤手機，又帶埋只minions公仔出發，話自己瞓覺一定要攬住啲嘢，種種「港女本色」，已令葉蘊儀藐爆。

再之後Shiga被蜘蛛絲纏住又好似好驚咁，葉蘊儀再一次藐爆，不過去到中段，工作人員開始問啲深入問題，例如關於敢言，掀起兩人「世代之爭」，一向講「世代之爭」都系話年青人傾向「衝動」、「敢言」，老一輩就保守咁，不過Shiga同葉蘊儀就完全相反。

Shiga被問到好多年青人上街表達訴求，有激進行為，佢就話:「系要關注嘅，但如果系激烈嘅有其它解決方法。如果你又鬧，佢又鬧咁樣，最後咪好容易變成戰爭咁樣，好唔理智，你要發表意見要深思熟慮。藝人系有一個敏感嘅position。」

之後兩人去街頭寫生，雖然系畫對方，但Shiga要上網搵葉蘊儀嘅相嚟畫，因為覺得真人郁來郁去，期間仲有遊客問Shiga啲畫點賣！期後兩人一齊去整皮具，變咗談論名牌嘅問題，葉蘊儀覺得香港社會好難唔追求名牌，因為社會上好多廣告都鼓吹消費，但佢自己就覺得唔需要用名牌去包裝自己，Shiga就會覺得追求名牌買嘢無疑都算系一種減壓方法，自己買嘅第一個名牌袋系買俾媽咪嘅，仲話自己嗰陣日日食麵包，入行頭三年仲「窮到燶」。葉蘊儀就覺得咁樣太辛苦，同埋買嘢減壓其實可能系病態，佢話:「建立自己知識先系財富。」兩人呢段對話都有少少火藥味。

之後做另一個任務，就系去Bologna一個地方識朋友，一出車站Shiga仲好興奮咁講錯話天氣「陽光勃勃」，十分搞笑。而明明車站去目的地只需要20分鐘，但Shiga最後遲足2個鐘先去到，點解？因為佢系咁自拍影相之餘，好鍾意朱古力嘅佢見到有朱古力展，於是系咁去買朱古力食，食嚇食嚇，就遲咗2個鐘。

全程Shiga都系咁用「ABC港女tone」講嘢，葉蘊儀都已經藐爆，其實以前葉蘊儀以前讀藝術時，同學都系年青人，佢話:「其實我啲同學都好年青…但佢哋唔會咁樣講嘢，我自己都系好正常講嘢，其實咁樣冇問題，每個人都有自己表達方式。」咁聽落系咪話Shiga講嘢「唔正常」先！

而網民對於Shiga嘅「ABC港女tone」多數都表示反感:「連詩雅系咪唔識講廣東話？口音古古怪怪，想扮abc定點？作狀到呢⋯⋯」「好難頂呀佢把聲同佢啲口音」「陽光勃勃，夠曬頂癮」「有幾多人一路反白眼＆唞大氣一路睇連詩雅」

另外，葉蘊儀接受港媒訪問，佢笑言：「系咩，咁呢個節目系講矛盾，我哋又唔熟，生活習慣唔同，當然有唔夾，加上呢個系真人騷，冇對白，證明我哋系有矛盾。」會唔會覺得Shiga系「港女」，葉蘊儀就話：「港女呢個字，我都系，香港出世嘅女仔，港唔港女我唔知，等啲觀眾自己覺得，我就冇comment。」覺唔覺得Shiga行為作狀，帶公仔出埠攬住瞓？佢稱：「拍嗰時冇乜留意，當然梗系同佢有唔夾，唔系點叫做矛盾去旅行，佢嘅行為同我唔同，我自己系佢嘅年紀時都唔會帶公仔，就算鍾意都唔會帶，可能佢要安全感、孩子氣，有啲age group嘅女仔都會帶公仔周圍去打卡。」