年輕的我走了!十大MK回憶 (旺角過去地標), 你一定有去威威過!!

:0:0

電器舖、藥房、金舖愈開愈多，行人專用區亦縮到得兩日開放。我們曾經流連的地方已經被迫變成回憶。你約過朋友在旺角的靈機遊戲機中心集合嗎？去過百老匯戲院旁的地庫KFC借廁所嗎？還是每星期總有一日放學出去奶路臣街宇宙船睇玩具？我只能夠答你，我冇上過好景4樓買4仔，唔知阿叔係咪真係冇格仔。(地標篇)sponsored

*相片來自網絡及Google Maps中旅社影印過膠

o依家仲有嘅地標，真係要好好珍惜，因為唔知佢哋捱到幾耐。讀書時期一定去過旺角中旅社隔籬條巷仔，好學生為影印釘裝過膠Notes，運動型好學生就去訂造波衫印名奶路臣街宇宙船

sponsored以前冇得上網，要得到最多日本偶像、動漫情報，唯有親自出旺角update下。而旺角奶路臣街地舖嘅宇宙船就係必到景點，雖然價錢貴啲，但勝在返貨夠快！門口又貼曬訂購產品情報！去完轉個彎仲可以去埋「創天漫畫社」。銀龍粉麵茶餐廳

旺角西洋菜街59號地下嘅銀龍粉麵茶餐廳，24小時營業，有傳說中嘅白汁肉粒飯，樓上雅座更可以睇到食物升降機嘅運動，可惜最後被加租，由90多萬至200多萬元月租，結業收場。漫畫Cafe

sponsored早十年前，好興一啲有網上有漫畫睇嘅漫畫cafe，最適合自己或三五知己hea通宵，而旺角呢個香港秋葉原梗係有大量呢啲上樓漫畫cafe。至於o依家，多數變曬上樓cafe、Maid cafe。荷李活購物中心買西裝

人生總有第1件西裝，可能為畢業、謝師宴或者去飲......而荷李活購物中心樓上就有好多度身訂造西裝嘅舖頭，價錢好平，而且嗰浸MK味離遠都聞到。瓊華中心手機波鞋

sponsored旺角瓊華中心，曾幾何時好旺，有水貨波鞋賣，仲有大量電話舖，可惜喺上年已經收回所有商舖，得番隔籬嘅星際城市形單隻影。百老匯戲院KFC廁所

靈機執咗之後，要喺嗰一帶搵廁所實在係難。如果識得嘆，一定係落去旺角百老匯戲院旁間KFC借廁所，幾乾淨o架。可惜o依家嗰度唔再係KFC，而KFC亦都再冇雞胸賣。旺角靈機遊戲機中心

sponsored如果我同你講西洋菜街間百老匯，你一定唔知我講邊度，因為成條西洋菜街都係百老匯。靈機遊戲機中心，係以前喺旺角百老匯戲院斜對面落地褲嘅一間機舖，落得去梗係桃戰《Daytona》啦！唔係唔玩Expert嚇嘛？仲有樓梯兩邊個廁所真係幾污糟同熱鬧！之後變咗Cyber City遊戲機中心，再之後變成百老匯。4樓買4仔