「真人真事」千祈唔好同醫生拍拖尤其是圈外人

:0:0

sponsored 如果你覺得同醫生做情侶會好正，尤其是如果你係圈外人，對唔住，我諗你真係要諗真啲。原因真係多到可以出本書。不過又咁講，如果你頂得緊，你就應該真係好愛佢。

首先開始一齊前，你要清除TVB或者韓劇嘅醫生喺你心目中嘅形象。又或者咁講，你根本唔多可能搵到咁嘅人，例如：有程志美咁好嘅人品可能有林保怡/雪嘅身形；女醫生由學生五年到實習醫生會經歷金銀銅鐵錫屎六個階段而唔會經歷變咗朱千雪嘅階段（編按：畢業後會隨年紀及階級增大而再進化至金）。現實同想像之間嘅反差大到一個點同喺淘寶買嘢差唔多。好喇，俾你搵到類似嘅，恭喜您：過咗第一關！

sponsored 你以為我哋個個Facebook去哩度玩去嗰度玩，平時放工就好似Dolce Vita咁品味人生？其實我諗我哋可能係地球上十大最熱愛睡覺嘅物種之一。放工去飲杯嘢？水都未得閒飲啦。

係，正因為平時太悶太累，所以我哋放假先會搵哩搵路玩。但平時大多數嘅時候都係悶喺屋企，所以你要有心理準備，一係你就唔怕悶，一係你就本身係悶。仲未計如果call完之後或之前同平時嘅多數時嘅腦袋待機（即半發呆）狀態，想像下長期對住連人都唔識咬嘅喪屍係咩感覺。未完呀，我哋唔夠三五七個月又話考哩樣考嗰樣。講得好聽啲，醫生係集中力好高嘅物種；但另一方面我哋亦係自閉傾向極高嘅人。如果你有一個或以上嘅醫生朋友你就會感受到咩叫社交上嘅reverse isolation。當有一個或以上嘅醫生喺同一個場合，佢哋就會好似一個就嚟無電嘅電話搵到尿袋一樣一對上嘴就分唔開，而內容都不外乎外星文，同我哋手字一樣咁難明。sponsored

而當你以為大帶個醫生去旅行會安全啲嘅同時，留意番，當一個人長時間將人生嘅經驗值加喺讀書哩行能力上面，佢其他嘅能力係會相對比較低。所以你如果你覺得好似帶多咗個細路去旅行係好正常架。醫生由學生時期開始犠咗童真發展最暢旺嘅時候，到畢業之後有反祖現象一啲都唔出奇。亦因為好多時全地球都要聽我哋枝笛，好聽啲係有主見，但其實好時都似係細路仔脾氣。

如果你又覺得有個醫生做女/男朋友唔使錢睇醫生好正，諗真啲。我哋大部分人識醫嗰啲病都係一啲你唔想有嘅病，而正常人會有嘅病，其實我哋唔多識醫，什至會叫你睇中醫。我哋自己病咗都唔多識醫。以為醫生見慣大場面就咩都唔驚？錯曬喇！一係就你幾辛苦都無反應，一係就騰雞到死。最正係如果你病緊什至乎生得都好，你另一半call緊，你要有心理準備自己搞掂。sponsored

[圖擷取自網路，如有疑問請私訊]