否認暴瘦求醫發哥：我食咗回春藥

:0:0

星島日報報道
服裝品牌BOSS旗艦店昨晚舉行開幕禮，品牌邀請到周潤發及發嫂、李徐子淇、《華爾街狼人》女主角Margot Robbie、品牌設計師以及行政總裁一同剪綵，積極減肥的發哥變得更為年輕，而李徐子淇則以一襲黑色Tube dress示人，美絕全場。文：Jazz 圖：莫慶輝

早前盛傳發哥減肥上癮，1年瘦了40磅，發嫂擔心他暴瘦而求醫，昨晚所見，發哥的確消瘦不少變得年輕，他笑言自己去了回春堂喝回春藥，又否認磅數，指自己隻瘦了30磅：「《賭城風雲》時減了至今9個月，唔會再瘦喇，再瘦得番棚骨。我好鍾意食嘢，好隊得，隊菜、魚、飯都好正常。揹少30磅行都行快啲！」

霆鋒揀劇本挑剔
發哥坦言最近每星期都去行山，而方力申和杜德偉等有空都會加入，笑指上次小方跑完10K再陪他行山，快到追不到。對於他跟謝霆鋒合作的新戲，發哥大爆：「要睇佢時間同等佢睇劇本，佢好挑剔。」又指霆鋒有透過發嫂約他做其飲食節目嘉賓，問到他有否試過對方廚藝時，他隻謂：「我隻見到佢食烚蛋，平時唔使食嘢，係神仙。」

最近發哥跟杜琪峯、張叔平、陳奕迅、湯唯等合作新戲，又笑謂：「出面傳同阿杜拍戲一大班人BBQ，呃人嘅。阿叔見到我側面話要減，聽完又10日無得食飯。」

子淇爆老公跌斷腳
李徐子淇指事前得知與發哥同場，已經幫電話叉足電，跟對方「集郵」時本來想拍遠景，但對方要求自拍：「因為佢識得就角度，但我睇咗3張後發覺有問題，啲相影到我好似無着衫似裸照，要Key返件衫上去先得。」她又以牛仔褲比喻發哥，指無論任何年紀都會喜歡，可以出席隆重場合，穿起來又舒服。

變得消瘦的子淇指事前為了穿上晚裝而特地節食，又大爆老公12月去滑雪時跌斷了腳，但二人因貪玩，新年期間未有求醫又再去外遊，回來後見醫生才發現左腳斷了靭帶，現在化身為對方的護士貼身照顧：「而夫妻要互相照顧，我老咗都想佢幫我沖涼。」

■李徐子淇大爆老公李家誠去年12月滑雪時跌斷腳。
■周潤發身形消瘦不少，並且變得年輕。
■(右起)發嫂、發哥、李徐子淇和Margot Robbie(左2)一起為名店剪綵。

.

[圖擷取自網路，如有疑問請私訊]