「史上最強姊妹團」港姐張名雅大婚 酒店連環Kiss~~多圖

sponsored 今日係2012年港姐冠軍張名雅，與圈外律師男友Joe的大婚日子，今朝一早就見到陳庭欣帶領的「史上最強姊妹團」玩新郎，亦而進行向長輩敬茶等傳統儀式。其中新娘子張名雅頸部及左右手均戴有十幾對龍鳳鈪，名副其實全身都係金！到了晚上，一對新人換上婚紗禮服到達舉行婚宴的酒店，當然唔少得大合照又錫錫啦！sponsored 今日兄弟團一早去酒店接新娘，圈中姊妹陳庭欣、譚凱琪、何傲兒、唐貝詩等已備好接新娘遊戲，唐貝詩表示：「好好玩，好開心，今朝5點起身，6點到，一齊玩遊戲，玩新郎好笑，懲罰好搞笑，答錯問題，兄弟要孭住新郎行石春路，兄弟又要一齊飲兩樽黐埋嘅益力多，好基咁，兄弟有罰食wasabi同要著比堅尼。新郎接新娘下跪獻花，名雅有眼濕濕，我見到都好感動。」玩完遊戲後，當然向長輩敬茶，張名雅同Joe都得笑得好甜！sponsored 雖然有一班咁索姊妹團陪件左右，但新娘張名雅最搶眼！因成為佢身上戴上十幾對龍鳳鈪，兩隻手戴唔曬，惟有要掛喺頸度，加埋兩隻大金豬，寓意開枝散葉！sponsored 晚上一對新人於尖沙嘴洲際酒店筵開三十席婚宴，與圈內外朋友一齊分享喜悅，見到張名雅換上白色低胸婚紗，谷盡事業線；而新郎則穿上黑色禮服，瀟灑有型！sponsored 呢類場合，當然唔少得一對新人應傳媒要求，在鏡頭前深情一吻！「史上最強姊妹團」再合照，佢哋齊齊於樓梯上擺出心心甫士曬愛！其中陳庭欣及何傲兒等都是有身材之人，不過為免搶新娘子鏡，所以都只穿上普通密實的姊妹晚裝裙。最後亦有一對新人與雙方父母、以及兄弟姊妹團的大合照！


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁