大家點睇？男子港鐵要求兩位小朋友保持安靜...

:0:0

約25分鐘前,係大埔墟港鐵站,有兩位小四小朋友(對話內容得知),以及其雙親-一對夫婦及另一位母親.由大圍站上車去到大埔墟站.由上車開始兩位小朋友已經好大聲講嘢,大聲到連兩位母親都「噓」及出口提醒,去到火炭站剛好有人下車,兩位小朋友可以坐埋一齊,諗住近左,應該無咁大聲,但其實都係無改變,仲越講越大聲.在大學站時,有一位男子忍唔住同兩位小朋友講 : 可唔可以唔好講得咁大聲,我知你地講得好開心,但係都要尊重下車上既其他人,同埋無咩人會想聽你地講學校嘢.之後兩位母親就對呢位男子講 : 細路講嘢關你咩事,點解唔俾佢講嘢?男子 : 呢度係公眾地方,俾講嘢,但唔係咁大聲仲要影響到其他人.另一位母親即刻回嘴 : 咁你覺得嘈可以行開一邊呀!!!!男子 : 無可能為左俾你地小朋友可以咁大聲講嘢,就要其他乘客行開,講唔通喎下話?第一位母親 : 你都痴線,細路女講嘢都唔俾,都唔知係唔係男人.男子 : 唔關係唔係男人事囉,係點樣教小朋友囉!中間省略...直到向大埔墟站一齊下車,由落電梯兩位母親都係行係個男子後面(係專登行得好慢,好似想避開個男子,但係又要講男子壞話,個聲浪同佢地兩位千金都係一樣咁大聲)男子回頭好大聲講 : 你要討論既就唔係向人地背後講,咁唔見得光點教子女?兩位母親都仲係依依唷唷唔知講咩,直到落左電梯臨出閘前,個父親講左一句,講咁耐唔好講啦,仲同D女人嘈咩嘢啫,你係唔係男人黎架?男子 : 你無出聲咁耐,如果件事你覺得我唔岩既就早應該出聲,唔係依家先至係度講咁唔負責既說話,難度你都係咁樣教子女?可以周街大聲講嘢?咁你就算係男人?係A出口出左閘後,兩個家庭兩邊走,男子向新達廣場行,只得一位母親陪個女既女人去到隧道位置與男子雙方都見唔到既情況下,講左一句,好大聲,因為與個男子起碼隔左15米以上都聽到 : 死男人,仆街黎既!!!!男子聽後,即轉回隧道方向,從女子後方大聲問佢 : 係咪你講粗口?道理講唔過就用粗口係咪?向你自己既女面前就咁身教,用粗口解決就當岩當贏係咪?母親 : 你而家想點呀?(認為佢明白到自己更理虧,無論點反駁,只不斷重覆你想點)男子行埋母女相隔至少一米半,聲量比火車上略大一點 : 你而家係咪用粗口講嘢,係咪咁教你身邊呢個女?女童放聲大哭,大約維持左分幾鐘左右,有流淚不過唔多?母親一邊打電話CALL分開走既另一個家庭,一邊向男子問 : 你而家搞喊個細路女你想點呀?男子轉向問女童 : 你係學校大聲講嘢,老師會唔會都叫你細聲D架?咁頭先你係車度你認唔認自講嘢係咪好大聲?女童定左形,無回應企左向度開始收左聲另一個家庭過到黎,個母親好大聲講 : 你而家想點呀,報警呀!!!!男子 : 好,報警,你認為我有問題請報警(開始亦越來越大聲)趕來家庭的男子(父親) : 你係咪男人黎,搞喊個女仔?有無搞錯呀!!你做過咩黎呀?男子 : 個位女士大聲咁講我係仆街,我走過黎問佢...(未講完已被人插嘴)男子(父親) : 佢係咪講你先,你認呀?母親(講粗口個位) : 而家講嘢唔得呀?係咪唔俾自由我講呀?男子 : 咁你報警囉,如果你認為係個女面前講粗口,又唔糾正佢大聲講嘢唔岩,仲要係度想大聲得黎無POINT要講贏我係岩既話!!!!sponsored 有途人欄住男子 : 先生唔好黎佢地,佢地一睇就知唔講道理,怮唔贏架嗱...附近亦有好多途人望到整件事...最後母親(講粗口個位)一邊擰轉頭對住男子,一邊同另一家庭及兩個女童行返去港鐵站,去的士站方向行,但同時大聲講 : 係咪呀男人呀,仆街(不時回頭)男子有跟上去,只行到7-11止步,但該名母親(講粗口個位)都係KEEP住不時回頭講仆街二字,直至過左STARBUCKS後就只擰頭無出聲...我本人羅嘉華就係呢個真人真事既「男子」,我係唔會後悔寫呢篇嘢且放上FACEBOOK,谷友你可以覺得我係向度「公審」,或者我係向度「攪大件事為咩」,我只係唔喜歡見到D家長,都已經知道自己子女有嘢做唔岩,途人見到提醒就過度反應,以為會對子女有唔好影響!!正正係因為「你地」唔理,子女日後先會做左唔好、唔岩、唔恰當既事都唔知.對住告戒既人就當人地削佢自由,誰不知係子女自己理虧唔知,家長過度放縱唔理!!若有呢個家庭既朋友(前提係你暸解左成件事後)係呢個FACEBOOK大埔群組入面,認為我「都係唔岩」既,我歡迎你向我本人作任何「不含粗口」既留言,來幫呢兩個家庭平反!!sponsored

[圖擷取自網路，如有疑問請私訊]