影評《屍殺列車》可以史上最好睇既喪屍電影

:0:0

sponsored 影評《屍殺列車》可以史上最好睇既喪屍電影

以警匪同催淚片響朵嘅韓國電影，終於拍返套喪屍戲加入Zombie戰團。睇Trailer覺得幾過癮，啲喪屍全部跑到快過保特，好有28日後同World War Z嘅瘋狂速度感，依個係吸引我入場嘅主要原因。本身諗住入去出一身汗，估唔到比預期得到更多、更多，更多。古今中外嘅喪屍片離不開跑Online，一味好驚咁跑嚟跑去，作為同類型電影《屍殺列車》當然有跑嘅元素，仲有少少打機過關元素同民族情懷，不過最大特色都係保留咗韓國電影最灑家嘅「感情牌」。大家都係跑，但《屍殺列車》一出依張皇牌就刷新東洋電影票房記錄，再橫掃多個電影歷史紀錄。點解以前啲人諗唔到？只能夠講因為佢哋唔係韓國人。sponsored

韓國導演一向擅長處理感情位，延尚昊用咗三個唔同組合帶出老中青嘅愛情、親情同感情關係，喺面對困境時嘅心理轉變從而將人物關係不斷推前。看似複雜但處理得好好，兩嘢就將濃濃嘅感情位畫曬出嚟，搞到入場觀眾啲情緒起伏不斷，要熱血有熱血、要笑位有笑位、要催淚有催淚，特別係做咗人爸爸嘅朋友應該更加有代入感。男主角孔侑同 ming仔無論長相、身型以至表情都幾乎一樣，嗰兩個鐘好似睇佢帶住個女逃亡，好有親切感，唔知佢會唔會拍返段逃亡Freestyle。sponsored 韓劇同韓國電影係兩碼子嘅事，千祈唔好混作一談。依套韓國電影劇情流暢、角色設計鮮明、冇多餘支線、冇開外掛Mode、作為一部科幻片，啲反駁位算係少，加上個頭開得好個尾收得靚，《屍殺列車》可以話一套近乎完美嘅喪屍片，亦係我依三十年睇過最好嘅喪屍片。-