(岩岩發生) 借左政府39萬 " 學生貸款" 走左政府數你問我答

:0:0

sponsored是咁的，本人欠學生免入息貸款39萬，2004年開始借的，至今一期都無還過，諗住開開心心走正苦39萬數過埋下半世，點知上個月收到一封信，平時d追數信我都無理會過，但今次呢封就是惡夢既開始……係律政處寄左封律司信黎告我，本身都諗住繼續無視封信，但問過人地如果繼續唔理封律司信，正苦有機會唔比出境，凍結銀行，賣車賣身還債，當時我都嚇一跳，正苦都有咁大權力咩？所以最後我決定同正苦打官司…封信好厚，入面有好多野要填，如果認罪就要填一份表格，每月支出，供養父母，所有資產，好多野填好麻煩，但如果唔認罪，就咩都唔洗填，可以請律師／申請法緩，自問口才了得，所以最後決定自辯...在借錢時，借款人係我，擔保人係我老豆。如果破產，我既擔保人就要還錢，我唔想累屋企人... sponsored在上庭前，我已經準備充足，上網做左好多資料搜集，有一條例，「時限條例」係由我唔供款果日開始計６年內律政唔作出任何行動去追你同擔保人, 就唔可以再追. 但如果律政佢於6年內曾寄信或致電向你追數, 咁時限條例就不適用... 我就諗住捉緊呢條例去用正苦對抗...記得學生資助辦事處係從來都無打電話比我，但間中有記信比我，以我印象中，已經有超過６年無寄信比我了。

少少背景，其實３９萬係點黎呢？我是借免入息貸款，每年借７萬（學費加生活費），讀了４年（副學士升上去），共２８萬左右，再加上１０萬左右利息，就總計３９萬。 sponsored２００４年當時媽媽有病，所有生活費都比曬媽媽去醫病，到２００７年媽媽終於離開了我還記得２００７年畢業，當時經濟差，失業幾個月加上心情緒低落，第一份工得６０００蚊，根本無可能每個月拎４０００蚊出黎還，人就開始自甘墮落，賭海迷徒正式開始.當時真係好難搵工，咁第一份工做住飲食先，兼職返馬會，時常都諗住未出黎做野就已經欠債累累，做人好辛苦，低薪６０００，加馬會４１蚊／小時，一星期返３－４日，夾夾埋埋都無９０００一個月返馬會果陣做大額投注，當時唔識賭，到馬會上堂學識曬咩叫獨贏位置／過關主客和，但我之前連買六合彩都未試過，見人買幾萬蚊注，戶口又有咁多錢，唔通賭博真係咁易發達？試過一次好搞笑，有個鄉下佬打黎電話投注買馬啦... sponsored鄉下佬鄉下佬：３場獨贏十萬買我：３場獨贏十萬買，岩嗎？鄉下佬：晏呀，係咁多我：戶口結餘９千ＸＸ，職員編號４２Ｘ，祝你贏多Ｄ鄉下佬：下，點解得返勁千幾，唔係仲有十勁幾萬咩？我買左１０萬咋喎，１０萬呀，１０萬呀心諗，Hi Hi啦，唔通我入錯飛？但明明係十萬買，佢又話岩喎但仔細諗會唔會係１０蚊？（條鄉下佬讀蚊同萬差不多音）我：１０元買定１０萬呀？鄉下佬：１０萬咪１０元囉，你都ＯＮ９９咁岩就夠鐘開跑，佢就死都唔收線，我就叫組長黎... 鄉下佬：嘩，Hi，正呀...（好大聲，嚇死我）我：先生，組長黎左，你頭先係咪買錯飛？ sponsored鄉下佬：無野啦，多得你唔少（之後一野cut左線）事後我睇返場馬真係跑出左

咁我就開始買１０蚊，試下諗住慢慢贏到幾十萬可以清曬條正苦數...如果我請陳夢吉律師就一定贏，但係我搵唔到法師請佢黎，太貴了，而且上庭一堂堂費又要７千幾，唔想再用咁多錢之下我唯有自辯。上庭日，我著左套飲衫，爸爸同女朋友陪伴著我，入到庭，有法官大人，控方律師，同幾十對眼望住，口才了得既我都開始緊張起黎，要開始宣誓... 本人XXX真誠發誓，本人所作.... sponsoredHi Hi有個字唔識讀，咁我就靜左幾秒，好彩法官大人提一提我，但聽到現場有ｄ人笑左出聲，當時真係羞到想返入老母個度當無出世過法官大人很有威嚴地說：請肅清！之後控方律師與我既抗辯正式開始！控方律師佢衣著又靚姿勢又有型，好彩我反應又快，講野又夠精警！到控方問點解一畢業後唔還錢，我便如實作答，當時搵6千蚊，根本無可能負擔到3千幾蚊，仲要分10年還，況且大部分錢我都比曬老母醫病，我Hi 你咩法官大人！果陣我情緒非常激動，有少少暈，好彩女朋友比左粒利口樂我食，法官大人：犯人請注意你的言語行為！休庭15分鐘。回想當時我岩岩識賭果陣? 做馬會兼職學識曬賭波同馬，一開始都係買10蚊，成日亂咁買10蚊8串1， sponsored點知有一次8串1入球單雙，真係中曬，中左成2千幾蚊，當時就諗住繼續滾大佢，再買左3條5膽拖全餐六合彩，果陣六合彩仲係5蚊注，到攬珠果一刻，我睇住d號碼一個一個咁攬出，其中一條飛中左4個字，中4個字拖全餐即係中5個字，結果係3獎！嘩嘩嘩即刻有請小鳳姐但派彩只係得8萬幾，8萬幾都唔夠比條正苦數? 我應該繼續賭？還是收手？

[圖擷取自網路，如有疑問請私訊]