【我要食好西】 走遍荃灣尋覓8大好味到爆美食!

成日聽人講話要入荃灣排「荳子」,雖然人家就已經擴充咗個面積,但係人龍依然不絕。其實荃灣都有好多「好東西」食架,早、午、晚三餐千祈唔好錯過其他同樣出色嘅荃灣名物呀!好,就等小編做地膽帶大家一齊 look for 好野啦!sponsored1. 型男漢堡雖然而家老麥嘅「任點漢堡」Create Your Taste 呢期大熱,但係大家望望個價錢,就會考慮下淨係試一次好喇!相反睇番呢間位於荃灣嘅漢堡專門店,$58 就可以食到一個比老麥更厚更 juicy 更足料、美味無窮嘅牛肉漢堡,仲要係即叫即整,澳洲牛肉漢堡扒煎到外脆內軟,加埋其他配料番茄、紅菜頭、芝士、煙肉、生菜,再加多隻流心蛋放頂,一㩒落去啲蛋汁就慢慢咇出黎,滲透成塊牛肉,視覺效果甚佳,望見都流口水。呢個價位仲要係跟埋炸粗薯條架!真係性格比極高。經過荃灣必食呀!sponsored圖片來源:sukikilo轉角.見地址:荃灣西樓角路202-216號荃昌中心昌寧大廈地下66號舖營業時間:11:30 - 22:30 (星期二至日) 星期一休息價錢:型男漢堡 $582. 韓國魚蛋串部隊鍋韓式火鍋除咗食豬、牛、雞之外,仲會有埋好地道嘅魚蛋串!8 款湯底任均選擇,但如果要入鄉隨俗當然要試部隊湯鍋底,少少辣、少少甜,咁樣打邊爐法真係極度入味。肥牛、五花腩等肉類香濃肥美,無限任添,其他火鍋配料亦同樣豐富,特別嘅係佢有比較少見嘅「呀豬媽 feel」魚蛋串同埋 cute cute 熊仔丸,仲有極度好食嘅午餐肉,又有得任食其他韓國壽司、配菜、爆谷,最後仲可以 DIY 番杯 Froz-yo 食,真係抵到呢!sponsored圖片來源:小美冰琪琳K-POT 部隊鍋地址:荃灣德海街18號富利達中心1樓營業時間:12:00 - 23:30 (星期一至日) 價錢:$158 (韓式火鍋任食90分鐘)3. 彩虹拉芝多士邊個話芝士得黃色架?最近成日喺 instagram 見到人食拉芝多士,而且仲要拉得好 colourful 果隻!四色靚到好似彩虹咁靚嘅招牌多士「開心首選」,兩片新鮮製造嘅麵包入面夾住紅色嘅番茄、綠色嘅羅勒、藍色嘅薰衣草同埋黃色嘅法國車打芝士,加埋四式混合芝士碎包括:Cheddar、Mozeeralla、Emmental同埋Gruyee,用鐵板烘 5 分鐘,溶芝後就形成五彩繽紛嘅視覺效果,多士食落又鬆軟又可以拉出「彩芝」來,靚到好似條彩虹咁。芝士全由法國入口,所以更重口味同偏鹹,而且仲略帶蒜香味。KALA Toast 用嘅材料全部天然,冇落任何人工色素,係咪即時釋除咗大家嘅疑慮呢?邪惡係邪惡啲架喇,唔通試都唔試下呀?sponsored圖片來源:fishyufishyu (Instagram)KALA Toast 卡洛芝士吐司專門店地址:荃灣荃興徑4-6號地舖營業時間:12:00 – 00:00 (星期一至日) 價錢:「開心首選」$35 (普通) / $42 (勁量)4. 無味精魚湯飯 x 生炸豬扒N 年前有個好鍾意食中菜嘅 XBF 曾經帶小編食過呢間唔識讀,總之有三個「魚」字嘅食湯飯,呢間老字號一直都以無味精嘅清魚湯底作招倈,可以 order 湯飯又或者湯米線,清清甜甜好入味,正正因為無味精,所以成食完飲埋碗湯都唔會口渴,岩曬熱氣生瘡或者冇乜胃口嘅人士。小編到後黎轉咗去荃灣番工都唔怕舊地重遊,差唔多日日都跑去食,仲要次次都揀佢招牌「生炸豬扒」或者「煎魚餅」湯飯!即叫即炸熱辣辣,外皮香脆,諗起都流口水,搵日要再 encore先!sponsored圖片來源:happy_lego23魚鱻魚湯專門店地址:荃灣路德圍30號地下營業時間:11:00 – 23:00 (星期一至日)價錢:生炸豬扒魚湯飯 $325. 梨花鐡板芝士炸雞韓國人好鍾意食炸雞,自「來自星星的都敏俊」熱後,香港地就多咗好多間專食炸雞嘅餐廳,仲要仍然係大排長龍果下好嘢!呢間辛安東元祖奶奶雞就更加係開咗 3 間分店都仲咁受歡迎。有咩咁好食?當然就係佢個新嘅梨花鐡板芝士炸雞啦!平日去普通炸雞舖食都要幾舊水一碟啦,仲要得幾舊,呢個傳說中嘅梨花鐡板芝士炸雞真係無得輸呀!炸雞鬆脆可口,加埋滿到瀉嘅芝士同埋奶油,超級香濃幼滑,加埋啲粟米片落去包住芝士食,極邪惡,但我鍾意!sponsored圖片來源:師母辛安東元祖奶奶雞地址:荃灣沙咀道328號328廣場G5A&5B號舖營業時間:12:00 – 15:00 & 18:00 – 00:00 (星期一至日)價錢:梨花鐡板炸雞 $ 1486. 綠茶甜品一碟三食女人有兩個胃,見到靚靚甜品又點會唔心動,最好就係果啲一碟入面有齊幾款甜品等你唔洗揀得咁辛苦!排完一輪「荳子」,為嘅都係呢款一次過滿足你三個願望嘅綠茶甜品 Green Tea Combo!一碟三食,有綠茶心太軟、綠茶雪糕同埋焙茶燉蛋,岩曬同朋友 Happy share。切開綠茶心太軟就會擁出綠茶白朱古力流心,食起嚟甜到入心,配埋清新嘅綠茶雪糕食就可以中和番冇咁漏。最特別係個焙茶燉蛋,裝飾到好似件藝術品咁靚,食起上嚟香醇幼滑,加埋上面啲紅豆同 mocha,口感就更加煙韌有咬口!sponsored圖片來源:cry_tal_yan (Instagram)荳子地址:荃灣海壩街99號地下營業時間:11:00 - 23:30 (星期一至日)價錢:Green Tea Combo $887. 魚介豬骨湯拉麵一字頭拉麵或者你食得多,好味嘅拉麵又點止呢間?荃灣,一個你估都估唔到嘅地方竟然都有間成日排長龍嘅「隱世」拉麵店,而且仲好有和式風味添呢!款式唔多,通常都係名店嘅特點,雖然呢度得四款拉麵俾你揀,但係貴精不貴多。第一次試嘅話,小編會推介你去試「魚介豬骨湯拉麵」!呢度用嘅係粗麵底,軟硬度任你揀,好煙韌;豬骨湯底味道濃郁,好有膠質,配料豐富,有爽口鮮甜嘅香筍、紫菜、兩片肥厚嘅靚叉燒,仲有就係半熟流心蛋,好彈牙、好軟滑,為呢碗咁有 potential 嘅和風拉麵加曬分!sponsored好可愛嘅插畫 menu圖片來源:leewengii拉麵台風地址:荃灣大河道81號寶成樓地下7號舖營業時間:12:00 - 16:00 & 18:00 – 23:00 (星期一至日)價錢:魚介豬骨湯拉麵 $788. 韓式爆谷雪糕韓式甜品舖越開越多,荃灣有間甜品舖竟公然挑機,炮製咗一款比韓國 Sweet Monster 高出兩倍嘅七層超大杯爆谷雪糕!焦糖味爆谷撞埋落冰涼輕盈嘅牛奶雪糕度,冷熱交融,簡直就係完美嘅合體!Perfect Match!食多啲都唔怕膩!圖片來源:MsPig999冰雪公主地址:荃灣享和街57A號都城大廈地下A舖營業時間:12:00 – 01:00 (星期一至日)價錢:爆谷雪糕 $429. 雙重松露美式熱狗加人氣芝士牛肉汁薯條 (最新更新)荃灣岩岩新開咗間賣美式半酒吧,除咗有賣各式坊間少見嘅手功啤之外,最大嘅特色就係佢大大份嘅兩款小食「雙重松露美式熱狗」同埋人氣高企嘅「芝士牛肉汁薯條」,難怪平日吸引到咁多「老外」嚟幫襯啦!雙重松露熱狗顧名思義用料會係 Double 上,特製熱狗包口感比較硬身,夾住大大份嘅嫩到爆嘅炒滑蛋同松露醬,配埋條香腸,配搭完美,遠遠都已經可以聞到濃烈嘅香味!貴為一間酒吧,佐酒美食又點少得?另一款生招牌「芝士牛肉汁薯條」同樣值得一試,芝士加埋外國經典嘅牛肉汁,香口惹味,一啖薯條,一啖啤酒,Happy Friday 就係應該咁過!圖片來源:Mafatsh (Open Rice)(左);圖片來源:Pigsy (Open Rice)(右)Doodie Café Bar地址:荃灣富華街9號運通洋樓地下營業時間:16:00 – 02:00 (星期一)、12:00 - 02:00 (星期二至四、日)及 12:00 – 05:00 (星期五及六)價錢:雙重松露熱狗 $68;芝士牛肉汁薯條 $48


[圖擷取自網路,如有疑問請私訊]

本篇
不想錯過? 請追蹤FB專頁!    
前一頁 後一頁