豪宅女屈清潔工偷手機：做人做到你咁cheap

:0:0

有錢係咪大曬？可能姓「梁」叫特首嘅特權大啲；社會地位同財富又係咪衡量一個人品格嘅尺？尋日（4月8日）網上流傳一篇文章，講到一個住豪宅嘅女人疑喺村巴唔見咗手提電話，一口咬定係清潔女工偷走，要求對方交還，sponsored過程中不斷辱罵女工：「你窮咪窮囉！做人做到你咁cheap」、「我買一個廁所等如你做幾年嘢」，其後更撲上前想搶女工腰包強行搜身。

現場一名物業經理見狀阻止，並馬上報警。最終證實手機被人執走並交商場保安員；無辜女工流咗好多眼淚，女住客一句道歉都無，就急急走去搵電話。網民炮轟豪宅女白鴿眼、無品；力讚物業經理見義勇為。

sponsored

文中講到，一名自詡住「幾萬蚊一尺」豪宅、全身著名牌女住客以「君臨天下」之姿投訴，指清潔女工偷走佢手機。一名物業經理到場處理，發現女住客狂鬧女工，而在場嘅屋苑人員不發一言聽女住客「訓示」。被指偷電話嘅女工年約60歲，喺屋苑工作接近5年。女住客表示自己喺村巴唔見電話，返轉頭搵就見到女工啱啱清理好車廂下車；女住客一口咬定係女工偷走，更破口大罵：「呢啲咁嘅清潔工，每個月搵得嗰幾千蚊，佢偷左我部電話賣出去就成個月唔駛做」、「仲唔係佢偷」；而女工被無端辱罵，流淚難抑，只能指自己無偷，亦願意對天發誓。sponsored

女住客唔相信，反罵：「你以為喊就有用咩？我部電話俾你偷左都未喊，呢度幾萬蚊一尺，我買一個廁所等於你做幾年嘢，你窮咪窮囉！做人做到你咁cheap，我要搜你身！你快啲攞返部電話出嚟！」即搶走女工腰包。女工當時唔敢反抗，又無其他人出言阻止，物業經理指感受到女工因為窮而俾人睇唔起嘅委屈，「感受到佢因為窮而被所謂的有錢人羞辱得一文不值。或許，呢一刻佢認為自己窮係原罪；或許，呢一刻佢認為自己係清潔工就可以被所謂嘅有錢人羞辱」。物業經理睇唔過眼，出手阻止，把腰包還給女工，打算報警處理以還對方清白。女住客非常不滿，仲質問物業經理「係咪癲咗」；sponsored

同時，拎出另一部手機拍片，指經理包庇下屬、「狼狽為奸」，會向其上司投訴。經理強調女住客無權搜身，如報警後證明唔係女工偷竊，女住客應為搶腰包行為道歉。警員到場，翻看過閉路電視片段發現，女住客上車時跌咗電話，被人執咗，交去鄰近商場保安員。即使女工被證無辜，女住客一心去拎番，並無向女工道歉。

sponsored物業經理慨嘆物業管理行業成日被人羞辱，問候家人同祖宗亦為常事。職業無分貴賤，網民留言狠批女住客「無品」、「狗人眼看人低」；同時好多人網民指，無清潔工，「又點會有咁乾淨既地方？」；唔係交咗管理費就大曬。而物業經理仗義執言、有腰骨；不過有熟知物管行業嘅網民擔心對方會因為一時正義而被上頭「照肺」，甚至失去飯碗。

[圖擷取自網路，如有疑問請私訊]