《選老頂》口不澤言杜汶澤

:0:0

訪問之前，大家見到杜汶澤個名時，係咪都會覺得嘻嘻哈哈，亂up一輪講下粗口就算？唔好話你，我都以為係咁，但有啲嘢大家一傾真係笑唔出，只可以一齊講粗口。

sponsored訪問開始先介紹我哋係MenClub，未講完阿澤已經話自己有睇開︰「你哋MenClub好多大波妹喎，不過呢排少咗啲。」咁都被佢發現到，似乎唔止每日睇morning girl咁簡單，點解少咗？因為成日被人檢舉囉「檢舉嗰啲都係人渣，唔應該咁做，正一仆街。」果然一貫作風，口不「澤」言。就係因為有嗰句講嗰句，阿澤令人又愛又恨，大家鍾意佢敢言作風，當然亦得罪唔少人，搞到冇人埋佢身。禍從口出，令佢被大陸封殺之後，好多人都以為佢斷曬米路。不過，可以話因禍得福，近年轉到大馬發展一樣受歡迎之餘，更開始做埋監製，今次新戲《選老頂》身兼監製同男主角。sponsored幕前受限轉攻幕後「我自己比較鍾意做幕後，因為我受到演技同外型所局限，很難會有咩大成就，但做幕後就只要肯努力同埋有創意，都可以發到圍，機會就比較均等。唉，我哋呢啲客觀條件做藝人就比較差，如果唔係都紅咗啦，家陣籮柚就紅。」

阿澤話自己唔紅呢句我唔係好認同，由《無間道》傻強、《大丈夫》、《伊莎貝拉》嘅失意司警到《低俗喜劇》，由古惑仔至小男人，認真同搞笑嘅角色都深得大家喜歡，至少大家講起點樣分臥底同警察，同埋騾仔包膠都會記得佢。不過，近一兩年阿澤漸漸退居幕後，佢亦話將來有意專心做導演，亦清楚自己演出仲有市場，所以唔會放棄幕前搵快錢嘅機會。好多時問到其他藝人點分配幕前幕後時，往往都講到係藝術同興趣為先，唔會好似阿澤答得咁現實，呢點實在係令人欣賞。sponsored本土觀眾口嫌體直《選老頂》以近年香港比較少見的黑社會片會題材，而且有大量政治暗示，未上畫已經成為話題作品。「近年江湖片係比較少，因為同老闆商量時，都會被問到有冇國內市場。我身份又比較清晰，所以就冇老闆會問我。結果令我喺創作時就可以無懸念，主力去構思本土題材，事關江湖片就係大陸唔可以上映嘅戲。你諗嚇以前黑社會電影係主流，依家變到好特別咁，我哋細個睇電影，大多數係講黑社會，好似發哥係都拍幾套黑社會片，之後先拍翻部愛情片之嘛。」

阿澤認為物以罕為貴，對《選》一片前景樂觀。sponsored的確，如阿澤所講，電影題材同佢身份都一樣敏感。只要放低國內市場呢個限制之後，又或者可以話係包袱啦，其實創作就能夠以本土出發。事實上，近年不乏打住本土旗號嘅電影，本土電影又會唔會係一個成功嘅包裝呢？「我覺得本土電影唔代表一定成功，甚至我覺得都係要睇電影本身。香港人同台灣人唔同，香港人比較實際，身體比較誠實，就算有啲人比較乞人憎都好，如果部戲本身係吸引，都一樣會去幫襯。」「所以唔好恃住係本土電影製作人，其他人就會賣賬，如果套戲唔好睇，觀眾一樣噓你。我哋都眼見好多本土電影唔收得，咁就證實香港人係很實際。我又覺得咁係啱喎，因為觀眾係畀錢嗰個，畀錢係好應該得到享受而唔使理人哋感受嘛。」佢係男神我係男人今次電影班底幕前幕後都係敢言一派，好似邱禮濤、黃秋生同王宗堯，都喺社交平台積極勇敢發表政治立場，大家會唔會因為立場近似而走埋一齊呢？阿澤就唔係好認同，而且覺得唔應該咁樣歸類︰「我覺得觀眾同媒體好喜歡做一個角度嚟將藝人歸類，其實我覺得咁做係唔好。因為好似我身份咁清晰就唔怕被人歸類，但有啲藝人就好慘，只係講咗句說話就被歸類，呢個風氣實在唔好啦。當然唔係我自己個人啦，我呢啲講嚟都多餘啦。」明嘅，無謂拉人咁多人落水，好似秋生之前接受訪問都話30年事業一鋪清袋。大家都要開飯，辛苦阿澤你頂住先喇。「你要明白到就算係同一理念嘅人，當中都可以分得很細，真係『不要分得那麼不細』啊。」阿澤講完呢段又狂笑，然後一邊講一邊陰陰嘴笑。sponsored

「咁所以我係咪專登搵一班政見相同嘅人開戲呢？我又覺得未免係幻想太多，不如你問返到底仲有幾多人肯同我合作好過啦。唔好話拍戲，就連眼神接觸都唔多，咁變咗我嘅選擇並唔係咁多。不過唔代表我用嘅演員係冇選擇，佢哋本身都有好多選擇。可能大家都係比較真性情嘅人，我唔敢講佢哋同我係同類人。我唔認為自己同黃秋生同王宗堯係同類人，我諗王宗堯唔會認同先啦，佢係男神，我呢啲只係男人之嘛。所以不要分得那麼不細，就算同類當中都分很多類嘅。」阿澤兩次講完「不要分得那麼不細」就係咁笑，現場都冇人知佢笑乜。就等我試下幫大家回帶，「「不要分得那麼細」本身係小豬嘅愛中國言論，阿澤分明就係拎嚟抽水，咁做乜要抽小豬水呢？我就估同秋生嘅「而我不知道羅志祥是誰」有關囉，唔係同秋生和好咩？大家自己諗啦。sponsored貪權老鬼死有餘辜講返套戲，就連黑社會都要一人一票，由一班老鬼控制嘅小圈子選舉，由得參選人鬥過你死我活，強烈嘅政治暗示同以往睇開嘅英雄式江湖片完全唔同。對於權力，就連身在其中嘅阿澤都唔明︰「有很多事我都唔明白，但都冇辦法。點解好像神爺咁貪戀權力呢？既然都要死，畀你控制到大局又如何，有啲死老鬼真係好煩。」一講到神爺阿澤就有少少扯火。「可能係我自己入咗戲，我覺得神爺係最抵死，我唔明白呢種人。喺開拍前我已問過導演，我覺神爺呢個角色好奇怪。咁導演就問我覺得有乜怪啦。我話一個癌症末期病人，只剩下十幾個月命，點解唔好好享福仲反而要爭權奪利呢？導演就話呢個嗚咪係你唔明呢世界嘅原因囉，貪戀權力嘅人，時間觀念同你係唔不同。」阿澤一臉苦惱，佢話自己好懶，如果賺夠真係連做今次訪問都多餘，得閒返屋企玩下貓，約朋友食下雞煲唔好。「依家仲要繼續做係因為冇錢，窮就要返工啦，中咗六合彩我梗係唔做嘢。結果係點呀？咪又係要返工，仆街！」sponsored

「呢兩年香港轉變對好多行業嚟講都有影響，藥房都變成賣奶粉為主。電影業亦唔例外，有啲自力做內地，有啲做本土。我覺得做最緊要啱自己，喜歡做咪做多少少，唔喜歡咪最少啲囉。不過我唔認同自己唔鍾意就完全唔做，因為工作唔需要去到咁，我唔抗拒做一啲自己唔鍾意嘅事。收錢工作難受啲都冇乜所謂。」心中有鬼港人多疑sponsored今次《選》兩位女角都有性,...感演出，一個老婆，一個情人，而比較令人在意就係Coco呢位性...感情人，阿澤所演嘅角色唔多唔少都係因為呢個女人而走去選大佬，阿澤會點揀呢？「只得兩個女角真係太少啦，哈哈，不過我覺兩個女角都各有各好，why not both？不過你可以睇到阿七最後都係同跟老婆一齊。」我本身都想揀Coco，但諗返Coco出現太有陰謀，會唔會係鬼嚟害我呀？

「香港依家就係咁，隨便一個人出現你就會懷疑佢係咪有鬼，咁樣真係好可怕。香港變成咁，dllm個個都話係鬼，邊有咁多鬼？就連一個女人走出嚟同你上床，你都會問係咪鬼嚟呀？老婆聽到就開心。嗱，MenClub訪問就講得啱喇。只是一個情節，大家都聯想到係咪是有人陷害佢。唉，都冇辦法，唔變都變咗，唔好諗返轉頭，大家都已經唔夠時間，向前看啦香港人。」今晚係《選》首映，之前睇優先場時有好多疑問同諗法。我嘅解讀係，套戲依家講嘅係當權者嘅制度同處事手法，同黑社會已經冇乜分別。當我見到黑社會爭取一人一票，但最後都係失敗收場，繼續老鬼玩曬之後，突然有種絕望，好怕我哋點努力都改變唔到現況。劇情唔想講咁多，大家入場睇，真心唔錯。

[圖擷取自網路，如有疑問請私訊]