《末代御醫》負皮；觀眾、網民：好想郭晉安再做奸角

sponsored（網易圖片）本欄數月前先講過「珊姐」余詠珊頭馬杜之克抽起幾套劇（余詠珊殺入戲劇組，將5套重頭劇放入倉底！），監製張乾文退休作加楊怡離巢作《末代御醫》亦有份。不過上星期解凍，播咗個幾星期之後，唔少觀眾網民今次就撐珊姐同杜之克，因為套劇真係由劇情、選角到細位，都相當惡睇。首先TVB 一貫歷史劇多甩漏，例如劇中「大清」居然得到「英國公使送維生素」、日本國又臣服過大清，逐樣數真係數到天光。sponsored「金牌監製」「添叔」李添勝啲劇其實都多甩漏，但人哋勝在有張華標公式，又有鄧萃雯、視帝祥的「演技」，都叫有啲劇力同緊湊位，起碼叫引到觀眾追。但今次一堆前叻哥旗下暗星，例如彭懷安（eddie）、王志安（otto）真係唔掂，JJ 賈曉晨普通；本身無乜期望的「魔鬼胸」蔚雨芯同林子善互動反而算 OK。一堆妃嬪、格格得朱晨麗、樊奕敏叫做正路些少，亦有觀眾指林秀怡、李綺雯、張惠雅著咗「清裝」都係似MK 妹多；張穎康、膠面胡渭康亦惡／奸唔出樣，拍得住《刀下留人》吳岱融。sponsored一堆配角／新人唔得都話可以俾啲時間，但今次可能角色所限，擔正的郭晉安同楊怡真係無視帝、視後氣場撐起套劇兼帶新人。楊怡又係做多管閒事的正義煩膠；郭晉安就自從「阿旺」2奪視帝之後變咗「阿旺安」，演乜都係一浸阿旺除，例如《東宮西宮》日日美人前梓童後，最慘觀眾笑唔出。反而令觀眾網民好懷念《與敵同行》唐立言、《忠奸人》高哲行。sponsored當年郭晉安演的唐立言殺羅樂林嫁禍鄭嘉穎、掉呂珊落地、要脅姚子羚跪地認錯、推袁彩雲落樓、兇到黎宣過馬路被車撞…加埋神情、語調，包括最後的陰陰嘴笑，真係奸到出汁：（tvb.com cap圖）sponsored(hkgolden 圖片)（wikia 圖片）個妹姚子羚同女友蒙嘉慧都唔放過：sponsored（tvb.com 劇照）而《忠奸人》除咗有李子雄做賣點吸一吸收視之外，郭晉安的演技真係救返套劇：劉思希對唔少觀眾已經夠曬趕客（雖然我覺得演技唔算太差），而有追到結尾嘅朋友就知一句「男人弱點就係女人」如何令結局膠化、神展開，好似唔坐監就唔安樂埋唔到尾咁；加上大結局李子雄槍戰膠位，又無交代另一要角張繼聰收場。真係靠郭晉安由頭帶到尾。（劉思希；tvb.com劇照）sponsored（李子雄；tvb.com劇照）sponsored（wikia 圖片）


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁