自從入咗公司個Whatsapp group，我就無咗放工時間

:0:0

「依家啲後生仔做野真係無規矩，係 Whatsapp 話唔撈就當通知咗公司，連辭職信都無封，正一廢青」看到有年輕人用 Whatsapp 來辭職的新聞，老闆又開始了廢青前、廢青後的謾罵。「阿 Ben 係邊呀？嚇，又放假？佢成日都請假，都唔知係咪偷偷地去見工既！唔理咁多啦，Whatsapp 佢，交低啲工作俾佢係屋企做啦」sponsored 這邊廂批評年輕人處事輕率，常用 Whatsapp 而缺乏正式的書面通知，那邊廂就用 Whatsapp 指派工作予正在放假的同事，老闆你係得既。水能載舟，亦能覆舟，Whatsapp 的出現，方便了朋友間的聯絡，同時也方便了公事上的溝通。簡單來說，方便了你老闆找你。香港打工仔，手機裡總有幾個來自公司的 Whatsapp 群組，Eric 也不例外。社交圈子不多的他，Whatsapp 裡頭有五個群組，其中三個是公司的。

「Eric 你電話幾多號呀？」還記得上班的第一天，靚女秘書向 Eric 抄牌。別開心得太早，當告訴她電話號碼的下一分鐘，Eric 就已經被她加進了公司的 Whatsapp 群組，不知不覺間進入了萬劫不復的無間地獄。sponsored

「今個週末，你有無野做呀？」老闆發的這 Whatsapp 訊息，比午夜凶靈更恐怖，絕對是「一句話嚇死打工仔」的第一位。找你甚麼事？當然是叫你做公事、開 OT，難度會送錢給你嗎？「我俾多啲野你做，其實係俾機會你學野，等你累積多啲經驗，我袋錢落你袋呀後生仔！」Thanks boss，你真係好L照顧啲員工呀！Whatsapp 的群組功能，是沒有徵求加入者同意的步驟。即是說，要加你入群組，你無得 say no。有時被無故加進了補習社用作宣傳的 Whatsapp 群組中，還能說兩句粗口、改掉群組的名字，然後退出群組。可是面對著自己公司的群組，你敢嗎？sponsored

「放咗工之後點解唔睇公司個 Whatsapp group 既 message 呀？一啲責任感都無，正一廢青」有了 Whatsapp 群組，Office hour 已變得名存實亡。老闆的一個 Whatsapp 訊息，打工仔就要繼續工作。已經下班？正在休假？You』ve got no choice。下班後以 Whatsapp 指派工作，算加班嗎？標準工時還未在香港立法，算你加班又如何，反正也不用付你 OT 補水。「你做咩成日 check 住 Whatsapp 呀？好多女仔 Whatsapp 你咩？」sponsored 女朋友似乎不太理解，Eric 其實是在看公司的 Whatsapp 群組，留意有沒有老闆的訊息，生怕會漏了。「我明明見你係藍剔架喎！即係睇咗啦！咁點解唔覆返我呀？」

如果這句話是女朋友講的，這種無理取鬧還算幾可愛幾 sweet 的。可惜，這句是老闆發給 Eric 的。就因為那次忘了回覆老闆的 Whatsapp，Eric 才發現原來對老闆「已讀不回」，比對女朋友「已讀不回」更嚴重。「大鑊，頭先係咪 Whatsapp 響呢？」睡夢中 Eric 聽到手機鈴聲而驚醒，一看原來是一位舊同學在十二點發給 Eric 的「Happy birthday」。sponsored 「嚇死我，仲以為老細漏夜急 call 我添」打工仔半夜聽到電話響，最怕電話另一頭的人是老闆，聽又死，唔聽又死。想起去年台灣一名上班族因長期在放工後收到上司透過手機通訊程式交代的工作，長期加班引致過勞而死，這時 Eric 胸口一悶。「我會唔會都係咁」香港地，打工如賣身。你自己的電話是屬於公司的，你的 Whatsapp 是屬於公司的，你的私人時間都是屬於公司的。網上的黑客最多只是入侵手機、電腦，但公事卻是會入侵你的生活。

[圖擷取自網路，如有疑問請私訊]