女朋友原來一直做緊人地個情婦..仲要比人任屌

:0:0

因為唔想同身邊朋友講，所以就系呢度講出黎，希望大家比d意見，有d長，大家見諒
我同女友一齊左兩年，岩岩一齊開始既時候冇耐，我就發現佢有d唔妥，每個月裡面會有幾日系佢唔系返工時間搵佢會幾個鍾唔覆信息，電話都唔聽，我問返佢就話訓著左咁，但我始終覺得有問題，我直接問佢系咪有事暪住我，""佢話有d野佢講左出黎我地就唔會再系埋一齊，我仲想同佢一齊既話就唔好問了，佢系真心鍾意我""我當時仲想同佢一齊所以當時我就冇再問，但我亦心諗呢個女仔唔可以放真感情，就當得閒有個人陪下咁就算，以後就算分手亦都預左唔會有咩感覺，

但之後我地都好似正常倩侶咁，但因為大家返工時間都長，所以都系一個星期都系見一次左右，有時佢冇覆我信息我都真系諗佢返工攰訓著左冇睇電話之類，其實我一路都呃緊自己，一路到依家一齊左兩年，呢兩年時間我地一齊既時間都好開心，性格好夾，相處得都好好，好小鬧交，慢慢不知覺得真系愛上左佢，我都感覺到佢系真心愛我，想同佢有結婚既打算，但我一諗起佢有一件一路暪住我既事，我好想知系咩，我都有諗過我知道會唔會後悔，系咪唔知好過知，我知道佢系真心愛我就夠？
但終於系前幾日我偷睇左佢電話，睇到左佢同一個男人既信息紀錄，內容大概系個男人問佢幾時得閒同佢見面，又會講好掛住我女友之類既說話，我女友既回復系好冷淡，一句起兩句止，完全冇加表情符號，佢地一個月聯絡次數唔多，約出黎見面都系見幾次左右，我之後問女友呢個男人系邊個，，

佢老實同我講呢個男人系我同佢一齊前半年已經系埋一齊，個男人四十歲左右有老婆仔女做生意，每個月會俾佢兩萬蚊佢，一個月會見面4,5次，但對個男人系冇感情，只系因為經濟上要靠呢個男人，仲要比人任屌,佢亦從來冇諗住要拆散人地屋企，佢想系我唔知情既情況下同個男人結束，然後好好同我一起再結婚
我女友系單親家庭長大，同爸爸細佬一齊住，佢爸爸年紀大又爛賭唔做野，細佬仲讀緊書，我女友讀書唔多，15歲就返part time 中五畢業出黎就做野，識佢到依家都系做同一份sales一個月搵萬5蚊全屋都靠佢返工搵錢養，

我知佢屋企環境唔好，我都試過俾錢佢想幫下佢，但佢死都唔肯要，話自己搞得店，唔想用我錢，叫我自己儲起d錢，但我都夾硬比過幾次7,8千蚊佢，其實原來佢同我一齊之前已經幫佢老豆還緊四十幾萬財仔數，一個月計埋息要還兩萬蚊左右，佢都有比佢還款單我睇，細佬仲細要供佢讀書，所以佢冇辦法系同朋友吃飯下識到呢個男人，個男人又幫到佢，所以就咁一齊左到依家，一路呃住我
我問佢咁點解仲要接受我同我一齊，佢話我系佢遇到過最鍾意既人，唔想錯過我，但屋企環境又冇辦法，所以就想一路系我唔知情下同個男人結束，好好咁同我一齊，但系始終比我發現左，我自己搵錢唔多都系萬7,8蚊咁，佢知我幫佢唔到，亦都唔想比我覺得佢同我一齊要我每個月比錢佢，覺得如果咁我會同佢分開
依家我知道左，我好傷心好難受，佢冇講出口，但個男人比得錢一定有同佢上床，我諗起都好難受，但系我知道我女友系真心愛我，但因為屋企問題而咁做，佢都知道一個男人好難接受女朋友做人小三仲要系同我一齊之前到依家，差唔多三年，系佢對我唔住，佢仲想同我一齊，但仲要比多半年時間佢還清屋企d數，佢就會同個男人分開，好好同我一齊，但如果我接受唔到要同佢分手，佢都冇話可說

我仲好愛我女朋友，但一諗起佢有同第二個男人上床搞野，我就好難受，我又冇本事搵錢唔多幫唔到佢，我可以點做

[圖擷取自網路，如有疑問請私訊]