【平到黐線！】$88 任添任食．嫩雞煲打邊爐
老友的每月聚會， 最重要飯局不限時， 食好東西當然重要， 昨晚竟然給我與上平到「黐線」， $88任食， 任添嫩雞打邊爐。
sponsored阿太質疑我:「雞煲？ 辣㗎喎， 你食到咩？」， 我答:「有4款揀， 有辣， 有唔辣吖麻。」
本來， 怕辣的我最初點了清湯雞煲， 不過店員說:「你哋4個人， 可以分開兩個爐， 一個辣， 一個唔辣囉。」
(係咪真係唔辣㗎？) 她繼續說:「其實你叫少辣都唔會太辣， 因為師傅炒過， 惹味過清湯雞煲好多㗎， 如果辣你咪自己加雞湯囉。」sponsored
二人同行， 會送一碟配料， 魚蛋、雞紅、蟹柳、魚片和雞腸， 當然一定較淨食雞煲好得多。朋友C:「送嘅魚片都幾好食喎」...…重點是免費呀！
原來少辣的雞， 對我來說已經是超辣， 朋友E:「嘩！你辣到成塊面紅曬， 仲駛唔駛流咁多汗呀？ 你將舊雞浸落去個邊爐度咪無咁辣囉。」
sponsored朋友E:「依度啲雞真係幾得喎！」不願出鏡的老闆阿添:「我哋用本港走地雞， 所以肉味、肉質都好過出面。」
(點解嘉美雞， 清遠雞要$288咁貴？ 又要訂？)， 阿添:「嗰啲叫名牌雞， 一分錢一分貨， 當然更加好食。」
孤寒的我， 連本來舖滿車打芝士的$158芝士雞爐也不捨得， 更何況要$288呢？ 不過， 如此巨型的芝士，師傅也真的磨到大汗耷細汗，辛苦曬！sponsored
阿添真夠細心，因為問我會不會太辣。結果，當我們點第二煲時， 辣度減少，炒過的雞，嫩滑中帶少少辣，果然好味，正到爆。
(幾多碟就會係一隻雞？) 阿添:「4碟！ 所以如果兩個人食到5碟，我都蝕㗎，唯有賺幾蚊啤酒、汽水錢囉。」
sponsored我們今日點了五碟雞及2個超惹辣雞煲，之後每人再來兩碗雞粥，4名麻甩佬已經飽到要捧實肚皮。PS: 雞粥又綿又入味，飯後清一清腸胃，正到痺！
(你哋開幾多年？) 阿添:「上手唔做， 我啱啱先頂咗嚟做3個月，所以先攪任食，平啲吸引多D人嚟食麻， (我:我仲以為你開咗好多年㖭)」
sponsored(點解你可以賣咁鬼平？) 阿添:「我屋企人係深水埗賣咗幾十年雞，所以來貨平，咁咪可以賣得平， 我本來想賣$108任食，但反應麻麻，於是去盡啲囉。」
當時， 熟食檔正在播老歌「童年」， 阿添:「聽唔聽歌？ 後生仔點會聽「童年」呀！ 聽我嗰啲…...(專業音響傳出Rolling in the deep)， 你手機嘅歌都可以畀我播，依啲先係歌麻。」
sponsored林洪記地址：長沙灣保安道325號保安道街市3樓CFS4號檔時間：星期一至日: 18:00-03:00大仁生活原文連結：【平到黐線！】$88 任添任食．嫩雞煲打邊爐[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
今日大件事
