邊個同時演《延禧》同《如懿》？　大膽丫頭！唔怕皇上拉佢出去斬？

兩套「前後腳」播出嘅宮廷劇《延禧攻略》同埋《如懿傳》，一直都被網民拎嚟比較，視兩劇為水火不容！不過隨著《延禧》喺嘅完結，兩套劇嘅「明爭暗鬥」都隨之落幕，不過話口未完，兩套劇可能又要再「鬥」過喇！《延禧》嘅番外篇就快播出，其中一名演員更同時出現喺《延禧》番外篇同埋《如懿傳》之中！嘩！邊個咁大膽？唔怕皇上拉佢出去斬？
Cap嚟見我
《延禧攻略》番外篇就快播喇！相信到時又會掀起一陣熱潮！

《延禧攻略》嘅「死敵」《如懿傳》而家仲播映緊。

呢個大膽丫頭，就係現年23歲嘅新晉女演員王鶴潤！

王鶴潤喺《如懿傳》中飾演太后甄環嘅女兒恆媞長公主，自幼被寄養喺別處，同太后好難先可以見面，後來仲要被乾隆皇帝嫁到去蒙古咁遠，呢件事令到甄嬛同乾隆心存芥蒂。

而喺《延禧攻略》番外篇，王鶴潤就演令妃嘅女兒昭華公主，呢個角色咁啱同《如懿傳》恆媞長公主一樣，都係要同生母分隔兩地。

王鶴潤喺兩部劇中嘅角色類同，難免會俾人拎嚟比較。

1994年出世嘅王鶴潤生於瀋陽，2013年以文科藝術類第一名嘅優異成績，考入中國傳媒大學。

生得靚女，性格又開朗，自然而成為校花，並且被稱為「氧氣女神」。

2016年，王鶴潤演出校園電影《誰的青春不迷茫》，戲中以光頭look示人，貴為校花嘅佢為拍戲真係豁出去！

不過都係清裝格格look靚啲！

Cap by：微博、網上圖片


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁