E奶咪神孖簡淑兒和服大鬥法 仙氣十足仲玲瓏浮凸
女神簡淑兒 (Jessica) 日前著上和服遊京都參拜神社，獲網民勁讚有仙氣同kawaii，原來佢同行仲一位好閨蜜，呢個就係咪神陳婉衡！不過今次陳婉衡就收起E奶，改著和服扮日本娃娃，同好友簡淑兒一齊鬥仙氣，獲網友勁like！簡淑兒 陳婉衡 著四層和服Cap嚟見我
簡淑兒同陳婉衡兩個好姊妹今次同遊日本，原來係一次慶生之旅，陳婉衡生日係上月尾，而簡淑兒就係下月中，陳婉衡話時間啱啱好：「去之前已經好期待，好想同佢一齊著和服影相，今次終於做到！」
陳婉衡又指兩人約定每年都要一齊去一次旅行：「我哋想之後去唔同國家著住當地嘅民族服裝影相，好似一個紀念咁，或者下次可以去韓國著韓服！」
簡淑兒同陳婉衡去到京都著名景點千本鳥居留影，兩個日本娃娃亦成遊客眼中嘅景點，畀人爭住求合照！ 
雖然獲網民大讚靚女同Kawaii，但陳婉衡就狂呻著和服好熱：「我最怕熱，件和服總共有四層，其實好熱，而且修腰又束到好實，個胃有啲頂住，所以都食唔到太多嘢！」 
陳婉衡 束腰晒身材陳婉衡仲爆兩人前兩日去埋大阪旅遊，好彩當時落住雨冇咁熱。 
真係好有仙氣！個束腰仲令到陳婉衡身材好玲瓏浮凸㖭！ 
簡淑兒 粉色卡哇伊簡淑兒日前已率先上載著粉色系和服遊京都參拜神社嘅靚相，同樣獲讚充滿仙氣，網友仲讚佢好kawaii！
陳嘉寶 蔡穎恩 三人行此外陳嘉寶 (Anjaylia) 同蔡穎恩 (Evelyn) 兩位女神近日亦一齊飛到日本關西旅行，同行仲有男模兼Blogger林皓霆 (Charles)，去到京都三人集體著和服擺甫士影相，獲網民勁讚仙氣十足，仲有網民話好有戀愛嘅感覺㖭！ 
不過蔡穎恩個手袋就被指唔襯套和服，而陳嘉寶就係對鞋太出戲！ 
遊環球影城之後三人又去埋大阪環球影城，蔡穎恩揸住魔法棒喺哈里波特嘅霍格華茲城堡前留影，搞笑留言：「畢業生回校日！」 
陳嘉寶仲食埋京都好出名嘅錄茶雪糕，食到成個嘴仔都污糟晒，佢話係最新興嘅彩妝嚟！ 
Cap by：東方新地[圖擷取自網路，如有疑問請私訊]
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
頭條膠
