【經典回顧】寫真女神大晒冷　以前書展班女質素好N倍

:0:0

一年一度的書展就快完啦，過往書展最受注目的絕對係一眾Model的寫真互片，互寸對鬧火花四起，猶如戰國時代。但今非昔比，依家寫真規模越來越細，亮點唔多，好快就唔記得。回想當年百家爭鳴之時，一個又一個寫真女神，佢哋啲靚相陪伴不知多少男孩長大變男人，依家就同大家回顧一下，真係好懷念！
經典寫真女神逐個睇：Cap嚟見我
1｜Angelababy講到寫真鼻祖，點可以唔提Angelababy，Baby深明自己輸兩球先天缺憾，出道首本寫真以日系少女，高貴嫵媚風格，避重就輕，成功俘虜不少男士。首本寫真彈起之後，立馬告別寫真界，北上發展，越撈越紅。Baby現時在內地紅透半邊天，早年嫁咗俾黃曉明，依家仲有個囝囝小海綿。

2｜周秀娜除了Baby之外，周秀娜絕對係宗師級前輩，娜姐初出道時有「翻版樂基兒」之稱，樣子甜美且身材火辣，經常狂騷32D胸器，好快就成為知名模特兒。當年推出寫真集《Kissy Chrissie》引來全城熱話，滴雪糕滴牙膏睇到人心癢癢，一張又一張爆乳靚相陪伴不知多少男孩變男人。但娜姐升上神枱、早年告別寫真界後，幾乎與性感絕緣，但就轉走演技派路線，一樣吸引！

3｜陳靜 (Dada)繼周秀娜之後，點少得擁有34E火辣身材的陳靜(Dada) ？當年以模特兒身份出道，因道地百果園飲品廣告走紅，有「百果園E神」之稱。Dada加入娛圈後毫不吝嗇晒body，每次示人例必谷盡E級胸器，令人留下深刻印象，當年出寫真集亦睇到大家鼻血長流！不過佢近年轉型做實力派，拎咗金像獎最佳女配角，其後宣布「封胸」，表示唔會再為賺錢而賣肉，令一眾男士傷心欲絕！

4｜「浸大E神」CarolCarol本名楊麗華，又名楊梓瑤，其後又改名為楊焉。Carol本來係一位少女模特兒，曾參加香港動漫節《Bandai Girl》選舉大賽並贏得冠軍，同年參加TVB節目「美女廚房」，憑性感打扮成功出位，殺入娛圈！Carol擁有34E嬌人上圍，加上當時正就讀浸會大學副學士，所以「浸大E神」呢個稱號不脛而走。佢2010年喺書展推出其寫真《Huge》，寫真照片尺度大膽，依家睇番都睇到小編面紅耳熱呀！

嘩仲要嚟個超近鏡，小編真係不行了，要去洗手間冷靜一下…5｜孫慧雪除咗三位天后級人馬外，近年都仲有猛龍出沒，好似孫慧雪咁，前年趁入行10周年推出處女寫真《Once》，專登飛去台南墾丁取景，人靚景靚！雪雪講明呢本寫真係佢第一本、亦係最後一本寫真，以後唔會再出。寫真主要以日系風格示人，襯晒雪雪個日本妹形象！

可惜事隔數年，正當你回味緊雪雪的靚相，轉眼間佢已經成為人妻成為媽媽，不時都喺IG晒家庭樂！
View this post on Instagram A post shared by Snow Suen (@snow711) on Jun 25, 2018 at 10:23am PDT
View this post on Instagram A post shared by Snow Suen (@snow711) on Jul 23, 2018 at 12:04am PDT
View this post on Instagram A post shared by Snow Suen (@snow711) on Jun 13, 2018 at 1:10am PDT
6｜「雞排妹」鄭家純香港身為國際都會，點都要面對下過江龍的挑機，來自台灣的雞排妹(鄭家純)早年出咗本超大尺度寫真《純》，封面是真空工人褲look令人有無限遐想，亦有全裸趴喺床上展示圓渾美股，進食時只用頭髮遮着重要部位，身材一覽無遺，可惜佢其後表示呢本係最後一本寫真集了。

壓軸登場：羅霖所謂薑越老越辣，寫真界的Model同樣可以，現年52歲的羅霖15年時以高齡女模姿態殺入書展，推出寫真集，成為索爆人母美魔女，當你以為女模愈後生愈正的時候，羅霖身體力行，用自己證明畀你睇，半百之齡同樣撼得贏你班後生女，不過佢講明依次除左係處女作，亦都係最後一次，鍾意「五十路」的少男們唯有祈求佢喺劇集或電影有多啲性感演出啦。