到底係劉華定江華？　網民：佢真係扮到入晒血！

劉華、江華定劉江華？傻傻分不清！有時真係唔怪得人，只係江華無論係做演員定做保險，舉手投足都比劉華更劉華！
江華 反笠cap帽Cap嚟見我
話說轉行做保險都已經4年，早排喺九龍城見到江華攞車，小編個心都係離一離：「唔通畀我野生捕獲劉華？」鬼咩？邊有55歲保險從業員出轉夜街會反笠頂cap帽、成身潮服至得㗎？
江華見到鏡頭，江華不慌不忙保持鎮定仲要好有台型，凌厲眼神睥完你、再伸手整個劉華式民間特首手勢打招呼。事實勝於雄辯，唔好再話江華鍾意扮劉華，江華根本就係劉華，OK？
真・劉德華第一眼見到有個反笠頂帽、全身黑色、輪廓分明嘅有型大叔，係唔係十足十劉華先？

望真啲，原來係前度師奶殺手現職保險的江華，畀人話似劉華講足30年，到底佢係扮，定係做緊自己。
雖然淡出娛樂圈，江華見到鏡頭依然淡定，仲整多個民間特首一樣嘅氣勢手勢。

打完招呼上到車準備開車走，繼續劉華上身，勁chok，全套動作一氣呵成、登台一樣，就算係真劉華出場，都可能冇做得咁流暢！
江華 劉華 世紀合照已經轉行賣保險嘅江華年輕時風度翩翩，迷死唔少師奶，而且一直都畀人話同劉德華似樣。2015年江華曾經喺微博上載咗兩張同劉華嘅合照，講真兩位型男同以往都冇咩分別，都係一樣成熟有型，都仲係好似樣！

兩個人對上一次合照已經係2003年。

當劉江、劉華、江華相遇…竟然係劉江華！
江華 戴老花鏡江華早年因為腰腿傷患淡出幕前，除咗開班教人做戲，近年仲忽然轉行做保險經紀，佢話做保險都係玩票性質，而且可以識多啲朋友，仲有唔少fans特登上門搵佢買保險！早前見佢約埋男友人一齊落又一城行街睇書，雖然江華鍾意扮劉華，成日畀人讚佢仲係美魔男，不過話晒都年過半百，呢日去到書店打書釘，江華就要戴上老花眼鏡先睇得清楚。
染咗一頭搶眼金髮，不過江華近年鍾意戴帽出街，貫徹chok爆風格。有人話江華打扮神態似劉華，但有樣嘢一定唔似，就係戴老花眼鏡！同場加映：李思捷都扮劉華！李思捷憑扮嘢彈起，最叻扮四大天王， 早前佢去咗中環睇衫， 戴住副超，邊行邊插褲袋，上身紅色皮褸，下身牛仔褲再加對紅色波鞋，個look就激似劉德華喺《賭俠》入面嘅角色陳刀仔，李思捷喺電視上扮劉天王扮到似模似樣，喺現實生活都當自己係天王！

李思捷入到時裝店，睇鞋揀衫都繼續單手插袋，佢身上集合咗陳刀仔嘅紅色皮褸，仲有劉華當年戴hit咗嘅名牌頸鏈，係好型呀喺廿幾年前！
連條底底都襯番紅黑色！

劉德華前年爲電影《賭城風雲3》開工，都扮番當年嘅陳刀仔角色，紅色貼身皮褸點少得。



[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁