TBB女星鋼管舞合集　網民：朱晨麗真係好正！

朱晨麗喺無綫新劇《棟仁的時光》劇中飾演鋼管舞女郎，暗戀男主角袁偉豪，佢透露為咗劇中多場鋼管舞戲份，曾經跟老師苦練咗幾個月舞，練到手腳都瘀晒：「因為要將成個人凌空抽起，要好大手力先得，所以仲要練埋啞鈴！」
朱晨麗 每日狂舉啞鈴Cap嚟見我
朱晨麗新劇《棟仁的時光》中飾演鋼管舞女，佢大呻拍呢套劇加埋《特技人》令佢練到成身肌肉：「尤其係《棟仁的時光》入面我要跳鋼管舞，需要用好大力量去夾住鋼管，所以跳嘅時候好痛，為咗練手力，我仲特登買咗兩個啞鈴返屋企，朝早起身或者訓覺前都舉百幾下，練到手腳都瘀晒，真係好佩服鋼管舞者，除非開續集，唔係我真係唔想再跳！」

苦練數月鋼管舞，朱晨麗練出一身弗爆肌肉。朱晨麗在《棟仁的時光》中飾演Hailey Mok莫熙蓮，除咗係酒吧跳鋼管舞嘅舞者，仲係鋼管舞教室嘅創辦人，暗戀幼時同佢一樣係孤兒嘅男主角袁偉豪。

劇中有多場鋼管舞演出。練到周身瘀，仲要每日不停堅持練習，真係唔容易！

陳法拉 2010年《誘情轉駁》除咗朱晨麗外，仲有陳法拉當年喺《誘情轉駁》中都曾經表演鋼管舞，當中跳出唔少高難度動作，大受觀眾讚賞。

陳法拉跳嘅鋼管舞表演被觀眾視為經典。

沈卓盈、胡定欣 2009年《古靈精探B》「沈大師」沈卓盈同胡定欣喺《古靈精探B》嘅鋼管舞演出比陳法拉更早一年播出，但動作就較簡單，勝在夠火辣性感。

胡定欣更谷出洶湧澎湃嘅身材！

譚凱琪 2017年《誇世代》去年《誇世代》中譚凱琪亦有著熱褲大跳鋼管舞！

膠通消息：東方新地


[圖擷取自網路，如有疑問請私訊]

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁