[有片]回歸為印度電影獻唱　網民：依首主題曲爆好聽！

:0:0

唔知大家有冇睇印度電影？打死不離咩咩咩嗰啲通常都好好睇，票房好收得。謝安琪為即將上映電影《打死不離歌星夢》主唱港版主題曲〈歌聲如初〉，網民聽過後都大讚唱得太好聽，個個都聽出耳油！
謝安琪為印度電影獻唱Cap嚟見我
相隔兩年再有新作，謝安琪為有「印度劉德華」美譽之稱的印度萬人迷阿米爾汗（Aamir Khan ）監製兼演出的電影《打死不離歌星夢》獻唱港版主題曲，謝安琪表示自己一直都很喜歡阿米爾汗的作品，故今次好榮幸可以為電影主唱廣東話版主題曲，並希望大家可以一同感受電影故事中單純直接的感動。

「印度劉德華」之稱的印度萬人迷阿米爾汗。

謝安琪久休復出狀態大好！對於已經暫別樂壇接近兩年後正式推出新歌，謝安琪的靚聲就似乎同今次電影主題曲〈歌聲如初〉的歌名一樣咁夾，演繹歌曲時大顯唱功，頻頻飆高音唱出海豚音，歌聲如初的謝安琪，狀態毫無問題！

久休復出的謝安琪，呢首新歌獲網友激讚，個個聽完都有讚無彈，除咗表示終於可以聽到謝安琪唱番歌之外，有網民更話新歌簡直令耳朵懷孕了！大家都一齊聽聽呢首新歌呀～

謝安琪《歌星如初》-《打死不離歌星夢》(Secret Superstar) 主題曲廣東話版
一直以來都很喜歡 Aamir Khan 的作品，很榮幸能夠成為電影《打死不離歌星夢》(Secret Superstar) 主題曲廣東話版《歌聲如初》的主唱。熱切期待電影4月12日正式上映，讓大家一同感受這份單純直接的感動。
Posted by 謝安琪 Kay Tse on Wednesday, 4 April 2018
不忘耍花槍另外，謝安琪老公張繼聰就喺近日上載咗一張望住海的背影照，並留言話因為自己太吸引，所以令到一位「女士」情不自禁偷拍佢。結果，謝安琪出聲話老公「叫人幫你揸機影相，轉頭又屈人嘅。」咁大家都知咩事啦，咪就係佢地兩公婆又一次公開耍花槍～好閃呀！